Iэзэгъу уцхэр игъом къафащагъэх
Амбулаториехэм зыщяIэзэхэрэ кIэлэцIыкIухэу илъэси 6-м нэс зыныбжьхэм рецептхэмкIэ ыпкIэ хэмылъэу Iэзэгъу уцхэр аIэкIэгъэхьэгъэныр Адыгеим щагъэпсыгъ.
[caption id="attachment_140983" align="aligncenter" width="800"] Сурэтыр: ЗэIухыгъэ къэбарлъыгъэIэс амалхэр.[/caption]
Монополием пэшIуекIогъэнымкIэ федеральнэ къулыкъум и ГъэIорышIапIэу Адыгэ Республикэм щыIэм Мыекъопэ къэлэ кIэлэцIыкIу IэзапIэр ыуплъэкIугъ. КIэлэцIыкIухэу илъэси 6-м нэс зыныбжьхэм врачхэм къафыратхыкIыгъэ рецептхэмкIэ ыпкIэ хэмылъэу Iэзэгъу уцхэр аIэкIэгъэхьэгъэным фэгъэхьыгъэ зэзэгъыныгъэр IэзапIэм задешIым, хэбзэгъэуцугъэу зэзэгъыныгъэ шIыкIэм къыдилъытэрэр агъэцэкIагъэмэ ары зылъыплъагъэхэр.
Сурэтыр: ЗэIухыгъэ къэбарлъыгъэIэс амалхэр.[/caption]
Монополием пэшIуекIогъэнымкIэ федеральнэ къулыкъум и ГъэIорышIапIэу Адыгэ Республикэм щыIэм Мыекъопэ къэлэ кIэлэцIыкIу IэзапIэр ыуплъэкIугъ. КIэлэцIыкIухэу илъэси 6-м нэс зыныбжьхэм врачхэм къафыратхыкIыгъэ рецептхэмкIэ ыпкIэ хэмылъэу Iэзэгъу уцхэр аIэкIэгъэхьэгъэным фэгъэхьыгъэ зэзэгъыныгъэр IэзапIэм задешIым, хэбзэгъэуцугъэу зэзэгъыныгъэ шIыкIэм къыдилъытэрэр агъэцэкIагъэмэ ары зылъыплъагъэхэр.
Московскэ хэкум щыщэу аукционым хэмылэжьагъэм тхьаусыхэ тхылъэу къыгъэхьыгъэм ыпкъ къикIыкIэ уплъэкIунхэр зэхащагъэх.
УплъэкIунхэм къызэрагъэлъэгъуагъэмкIэ, кIэлэцIыкIу IэзапIэм къыщэфыщт уцхэмкIэ план-графикэу зэхигъэуцуагъэм пIэлъэ гъэнэфагъэр ритхагъэп, зы закъоу аукционым къиуцуагъэм зэзэгъыныгъэр дашIыгъ.
«Монополием пэшIуекIогъэнымкIэ федеральнэ къулыкъум и ГъэIорышIапIэу Адыгэ Республикэм щыIэм иинспекцие кIэлэцIыкIу IэзапIэм изекIуакIэ административнэ хэукъоныгъэ хилъэгъуагъ, ау ащ пае къэмынэу, Iэзэгъу уцхэм якъэщэфын зэпигъэугъэп ыкIи ахэр игъом къафащагъэх», — къыщаIуагъ шъолъыр гъэIорышIапIэм.