Урысыем щынэгъончъэнымкIэ и Федеральнэ къулыкъу и ГъэIо­рышIапIэу Адыгэ Республикэм щыIэм къызэхефы къолъхьэ тын-Iыхыным ылъэныкъокIэ бзэджэшIагъэ зезыхьэ­хэрэм уголовнэ пшъэдэкIыжьэу арагъэхьырэр.

1. Къуалъхьэр аIызыхырэм (УФ-м и Уголовнэ кодекс ия 290-рэ статья) тазыр тыралъхьан алъэкIыщт (ар къуалъхьэу аIихыгъэм фэди 100 хъун ылъэкIыщт) е илъэс 15 хьапс тыралъхьэшъущт, ащ дакIоу аIихыгъэ къуалъхьэм фэдэ 70-рэ рагъэты­жьыщт.

2. Къуалъхьэр язытырэм (УФ-м и Уголовнэ кодекс ия 291-рэ статья) тазырэу рагъэтыщтыр къуалъхьэм фэдэ 70-кIэ нахьыб, ащ дакIоу илъэс 12-м нэс хьапсым чIагъэ­сыщт.

3. Къуалъхьэр язытырэмрэ аIызыхырэмрэ азыфагу дэтым (УФ-м и Уголовнэ кодекс ия 291.1-рэ статья) тазырэу тыралъхьэрэр къуалъхьэм фэдэ 90-кIэ нахьыб е илъэс 12-м нэсэу хьапсым чIэсын фаеу ашIы.

КъуалъхьэкIэ алъытэхэрэр: ахъщэр, уасэ зиIэ тхылъыпIэхэр, гъомылапхъэхэр, промышленнэ товархэр, амыгъэкощырэ мылъкур, фэIо-­фэшIэ зэфэшъхьафхэр, путевкэхэр, псэолъэшIын Iоф­хэм ягъэцэкIэн, фэгъэкIотэныгъэ хэлъэу чIыфэхэр ятыгъэнхэр ыкIи нэмыкIхэр.

IэнатIэ зыIыгъ цIыфыр къуалъхьэ фаеу гуцафэ шъу­шIымэ, хэбзэухъумэкIо къулыкъухэм зафэжъугъэзэн фае, ау пэшIорыгъэшъэу шъуигухэлъ хэти ешъумы­гъашI. Къэбарэу алъыжъугъэIэсыгъэр шъыпкъэу къызычIэкIыкIэ, къулыкъу гъэ­нэфагъэхэр лъыхъон-къыхэгъэщын Iофтхьабзэхэм ауж ихьащтых.

Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу