Амыгъэкощырэ псэолъэ заулэмэ афэгъэхьыгъэ зы выпискэ амыгъэкощырэ мылъкум и ЗыкI реестрэ (ЕГРН) къыIыпхын плъэкIыщта? УпчIэм джэуап къыретыжьы къэбархэмкIэ отделым ипащэу Агъыржьанэкъо Азамат. Амыгъэкощырэ мылъкум и ЗыкI реестрэ (ЕГРН) къырахырэ къэбарыр Федеральнэ законэу N 218-у «Амыгъэко-щырэ мылъкум икъэралыгъо тхын» зыфиIорэу 13.07.2015-рэ илъэ­сым къыдэкIыгъэм ия 62-рэ ыкIи ия 63-рэ статьяхэм агъэ­IорышIэ, Росреестрэм 08.04.2021-рэ илъэсым N П/0149-р иIэу къыдигъэкIыгъэ унашъоу «Амыгъэкощырэ мылъкум и ЗыкI реестрэ къы­тырэ къэбарым Шапхъэ пылъхьэгъэным ыкIи закъыфэзыгъэ­загъэм ратыжьыщт джэуапым Шапхъэу пылъыр» зыфиIорэм къегъэнафэ. Псэуалъэ пэпчъ шъхьафэу гъэпсыгъэ, ары пэпчъ къэбарэу пылъыр зэзыгъашIэ зышIоигъор шъхьаф-шъхьафэу шIогъэшIэгъон псэуалъэм кIэупчIэн фае. Зы псэуалъэм епхыгъэу зы документ къатырэр, ахэр ЕГРН-м къыхахых. Амыгъэкощырэ мылъкум и ЗыкI реестрэ (ЕГРН) шъузыгъэгумэкIырэ къэбарыр къы­шъуфыхахыным фэшI МФЦ-м зыфэжъугъэзэн шъулъэкIыщт. Джащ фэдэу электроннэ шIыкIэмкIэ къэралыгъо фэIо-фа­шIэхэм япортал шъутхэшъущт е Роскадастрэм идэкIыгъо IофшIэн къызфэжъугъэфедэ­шъущт.