Апшъэрэ лигэм щешIэрэ «Динамо-МГТУ-м» мы мафэхэм ешIэгъухэр иIагъэх.

Тикомандэ Мыекъуапэ ащыIукIагъ «Металлург» (Магнитогорск) ыкIи «Неф­техимик» (Тобольск). Ти­баскетболистхэм ешIэ­гъуи­тIум текIоныгъэр къыщыдахыгъ, тIур ашIуахьыгъ.

ГъэшIэгъоныр, «Динамо­-МГТУ-р» мы командэхэм заIокIэм апэрэ ешIэгъухэр хьакIэхэм ахьыгъэх, ятIо­нэрэхэм текIоныгъэр къащыдихыгъ.

«Динамо-МГТУ» — «Металлург» — 79:83, 80:70. «Динамо-МГТУ» — «Неф­техимик» — 60:80, 76:61.

Шъугу къэдгъэкIыжьын, мыгъэрэ зэнэкъокъум команди 7 хэлажьэ. «Ди­намо-МГТУ-р» джырэ уахътэм яплIэнэрэ чIыпIэм щыт. Пэрытныгъэр аIыгъ «Металлург» ыкIи «Чебоксарские ястребы».

Адыгием икомандэ зичэзыу ешIэгъухэр Московскэ хэкум ыкIи Чэчэн Респуб­ликэм щыриIэщтых.