«Хьадэгъур зыщащэрэр ошIэмэ, макъэ къытэгъэIу» зыфиIорэ Урысые Iофтхьабзэм иятIонэрэ уцугъо чъэпыогъум и 16-м къыщегъэжьагъэу и 27-м нэс Адыгеим щыкIуагъ.

Ащ пшъэрылъэу иIагъэр наркотикхэр хэбзэнчъэу къызэрэрагъэкIокIыхэрэм пэуцужьыгъэным общественностыр къыхэгъэлэжьэгъэныр, наркотикым пыщэгъэ цIыфхэм ягъэхъужьынкIэ IэпыIэгъу афэхъугъэныр, ахэр щыIэныгъэм хэгъэгъозэжьыгъэнхэр ары.

Наркотикхэр хэбзэнчъэу къызэрэрагъэкIокIыхэрэм, зэрагъэфедэхэрэм ыкIи ар зыхэлъ пкъыгъохэр зэрэIуагъэкIыхэрэм афэгъэхьыгъэ къэбархэм щыгъуазэхэм, хэгъэгу кIоцI къулыкъухэм макъэ арагъэIуным къыфэджагъэх.

АР-м хэгъэгу кIоцI IофхэмкIэ и Министерствэ «ицыхьэшIэгъу телефонэу» (8772) 56-64-00-м е полицием идежурнэ отдел иномерэу 02 (102-м) шъутеон шъулъэкIыщт. Къэбарэу къытIэкIэжъугъахьэрэм цIыфым ипсауныгъэ ыкIи ищыIэныгъэ къызэтегъэнэжьыгъэнымкIэ бэ елъытыгъэщтыр.

АР-м хэгъэгу кIоцI IофхэмкIэ и Министерствэ ипресс-къулыкъу.