Урысыем и Суперлигэ ще­шIэрэ «АГУ-Адыифым» зэкIэлъыкIоу текIоныгъи 4 къыдихыгъ, ау зичэзыу ешIэгъоу «Кубань» дыри­Iа­гъэр шIуахьыгъ.

«Кубань» (Краснодар) — «АГУ-Адыиф» — 36:26. Iэгуаор къэлапчъэм дэзыдзагъэхэр:

Бо­лоба — 6, Кобл — 5, Дворцеваяр — 4, Томилинар — 3, Краснокут­скаяр — 2, Бондаренкэр, Голуновар, Коваленкэр, Кавера, Кисленкэр, Алексеевар — 1.

Апэрэ таймым командэхэм зэфэдэ ешIакIэ къагъэлъэгъуагъ пIоми ухэукъощтэп, текIоныгъэр къыдэзыхыщтыр къэшIэгъоягъ. Пчъа­гъэр 17:15-у ар аухыгъ. Ау ятIонэрэ таймым тикомандэ нахь макI къыдэхъугъэр. «Кубань» иешIакIэ ригъэхъугъ, мыщ хэт спортсменкэхэм адзыгъэ Iэгуаом щыщэу процент 65-рэ къэ­лапчъэм дэфагъ. Арэу щыт нахь мышIэми, «АГУ-Адыифым» икъэлэпчъэIутэу Екатерина Пивневар дэгъоу ешIагъ, Iэгоо 14-у къадзыгъэм щыщэу 5-р къызэкIидзэжьыгъ.

Мы зэIукIэгъум ыуж Адыгеим икомандэ я 7-рэ чIыпIэм къэнагъ. Пэрытыныгъэр ­аIыгъ «Ростов-Дон» ыкIи «ЦСКА».

КъыкIэлъыкIощт ешIэгъур «АГУ-Адыифым» Мыекъуапэ щыриIэщт, чъэпыогъум и 28-м Звенигород икомандэу «Звездам» IукIэщт, ар мафэм сыхьатыр 2-м рагъэжьэщт.