2023-рэ илъэсыр къызихьагъэм къыщыублагъэу Адыгеим щыпсэурэ нэбгырэ мин 74-мэ япсауныгъэ изытет ауплъэкIугъ, ар къыщаIуагъ псауныгъэр къэухъумэгъэнымкIэ АР-м и Министерствэ.

[caption id="attachment_140715" align="aligncenter" width="800"] Сурэтыр: ЗэIухыгъэ къэбарлъыгъэIэс амалхэр.[/caption]

«Диспансеризацием къыды­хэлъытагъэу медицинэ уплъэ­кIунхэр зэхэтэщэх, нэбгырэ пэпчъ ар ыкIун ылъэкIыщт, иуз елъытыгъэу ищыкIэгъэ врачми зыIуигъэкIэн амал иI», — къыщыхагъэщыгъ Министерствэм. Ащ къызэрэщаIуагъэмкIэ, 2024-рэ илъэсым къыщыублагъэу ауплъэкIурэ цIыфмэ япчъагъэ процент 20-м нэсэу къыхэхъощт. 2024 — 2026-рэ илъэсхэм диспансеризациер зыкIу зышIоигъощтхэм телефон номерэу 122-мкIэ порталэу «Госуслуги» зыфиIорэм зыщарагъэтхышъущт е участковэ врачым макъэ рагъэIумэ хъущт.