Адыгэ къэралыгъо университетым щеджэрэ студентхэм шIэныгъэ зэфэ­шъхьафхэмкIэ заушэтын амал яIагъ. Ащ фытегъэпсыхьэгъэ Iофтхьабзэр Урысые фестивалэу «Наука +» зыфиIорэм къыдыхэлъытэгъагъ. Апэрэ курсым ис студентхэм мастер-классхэр, квестхэр, зэнэкъокъухэр адызэхащагъэх, зекIо ащагъэх ыкIи документальнэ фильмэу «Мир 2052. Увидеть будущее» зыфиIорэр къафагъэлъэгъуагъ. Сэнаущыгъэ зыхэлъ ныбжьыкIэ чанхэр къыхэгъэщыгъэнхэр, шIэныгъэ-ушэтын лъэныкъом нахь зегъэушъомбгъугъэныр ары зэхэщакIохэм пшъэрылъ шъхьа­Iэу зыфагъэуцужьыгъэр. Ботаническэ квестхэр, географием фэгъэхьыгъэ зэнэ­къо­къухэр ыкIи нэмыкIхэр ныб­жьыкIэхэм афызэхащагъ. Урысые фестивалэу «Нау- ка +» зыфиIорэр проект анахь инхэм ащыщ. Фестивалыр илъэс къэс чъэпыогъу мазэм къыщегъэжьагъэу шэкIогъум нэс зэхащэ. Хэгъэгум ишъолъыр 80-мэ яплощадкэ 400-мэ ар ащызэхащэ. Адыгэ къэралыгъо университетыри ахэм ащыщ. 2023-рэ илъэсым «Океан науки» зыфиIорэ темэмкIэ Iоф ашIэ. ДЕЛЭКЪО Анет. Сурэтыр: А. Iэшъын.