Тазырыр — сомэ мин 800
ЗэIухыгъэ акционер обществэу «Россети Кубань» зыфиIорэм ятIонэрэу хьыкумым къыщытекIуагъэх ыкIи монополием пэшIуекIогъэнымкIэ федеральнэ къулыкъум и ГъэIорышIапIэу Адыгеим щыIэм тазырэу сомэ мин 800-у къытырилъхьагъэр хабзэм диштэу алъытагъ. Джащ фэдэу мы IофшIапIэм административнэ хэукъоныгъэу ышIыгъэхэр дигъэзыжьынхэу фагъэпытагъ.
«Псэуалъэр электрическэ сетьхэм технологическэу рапхыным пылъ шапхъэхэр зэрагъэгужъуагъэхэр ары хэукъоныгъэкIэ афалъэгъугъэр. Тазырыр зэрэтыралъхьагъэм дыримыгъаштэу, зэIухыгъэ акционер обществэу «Россети Кубань» зыфиIорэр Краснодар краим и Арбитражнэ хьыкум зыфигъэзагъ, ау унашъор зытетым тетэу ащ къыгъэнагъ», — къыщаIуагъ федеральнэ къулыкъум и ГъэIорышIапIэу Адыгеим щыIэм.