ФутболымкIэ Урысыем изэнэкъокъу иятIо­нэ­рэ лигэ хэт командэхэм зичэзыу ешIэгъухэр яIагъэх.

ЯтIонэрэ едзыгъом къыдыхэлъытагъэу Мыекъопэ «Зэкъошныгъэр» командэу «Легионым» IукIагъ. Пчъагъэр зэфэдизэу ешIэ­гъур аухыгъ.

«Легион» (Махачкала) — «Зэ­къошныгъ» (Мыекъуапэ) — 1:1 (0:0). Iэгуаор къэлапчъэм дэ­зыдзагъэхэр: Г. Абдуллаев (я 52-рэ такъикъ), А. Делэкъу  (я 78-рэ такъикъ).

Командэхэм ахэтыгъэх:

«Легион»: А. Магомедовыр (къэлэпчъэIут), Х. Газиловыр, Т. Мохбалиевыр, Д. Ипаевыр, А. М. Исмаиловыр, Т. Битаровыр, А. Панаевыр, К. Курбановыр, А. Г. Исмаиловыр (Р. Исаевыр), Г. Абдуллаевыр, А. Абдоковыр (Б. Гамзатовыр).

«Зэкъошныгъэр»: Т. Хачи­ровыр (къэлэпчъэIут), М. Ягьяевыр, А. Телеповыр (А. Зезэрахь), И. Абдуллаевыр, Т. Ибишевыр, У. Магомедбековыр, А. Мал- кандуевыр (А. Хьасанэкъор),

И. Оразаевыр, Ш. Гайдаровыр, С. Архиповыр, А. Делэкъор.

Апэрэ таймым бысымхэр нахь лъэшэу ешIагъэх, ау «Зэкъошныгъэм» хэукъоныгъэ ышIыгъэп. ЯтIонэрэ таймым «Легионым» иешIакIэ хигъэхъуагъ ыкIи я 52-рэ такъикъым пчъагъэр къызэIуи­хыгъ. Адыгеим икомандэ я 78-рэ такъикъым Iэгуаор къэлапчъэм дидзагъ, 1:1-у зэIукIэгъур аухыгъ.

Турым изэфэхьысыжьхэр:

«Астрахань» — «Кубань Холдинг» — 0:0, «Машук-КМВ» — «Рубин» — 0:0.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Машук-КМВ» — 10. 2. «Кубань Холдинг» — 7. 3. «Рубин» — 7. 4. «Зэкъошныгъ» — 7. 5. «Легион» — 6. 6. «Астрахань» — 3.

Чъэпыогъум и 30-м «Зэкъошныгъэр» тикъалэ щыIукIэщт коман­дэу «Астрахань», ешIэгъур мафэм сыхьатыр 4-м аублэщт.