«Мэкъу-мэщыр — кIэлэцIыкIухэм анэхэмкIэ»
Адыгеим щыпсэурэ кIэлэцIыкIухэмрэ ныбжьыкIэхэмрэ сурэтшIынымкIэ зэнэкъокъоу «Мэкъу-мэщыр — кIэлэцIыкIухэм анэхэмкIэ» зыфиIорэм хэлэжьэнхэ алъэкIыщт, ар Мыекъопэ къэралыгъо технологическэ университетым зэхещэ.
Апшъэрэ еджапIэм ыныбжь илъэс 30 зэрэхъугъэмрэ мэкъу-мэщым иIофышIэ и Мафэрэ афэгъэхьыгъэу зэнэкъокъур рагъэкIокIы. Илъэси 7-м къыщегъэжьагъэу илъэс 17-м нэс зыныбжь кIэлэеджакIохэмрэ студентхэмрэ зэнэкъокъум хэлэжьэнхэ амал яI. Сэкъатныгъэ зиIэ сабыйхэм ясурэтхэм хэушъхьафыкIыгъэу уасэ афашIыщт. Зэнэкъокъум лъэныкъуищ къыделъытэ: «Неущрэ мафэм итехникэ», «ЧIы-нэлъэ гупсэр», «Хэгъэгур зыгъэшхэрэ цIыфхэр». IофшIэнхэр электроннэ почтэу konkursmgtu@yandex.ru зыфиIорэм шэкIогъум и 30-м нэс агъэхьынхэ алъэкIыщт. ТекIоныгъэ къыдэзыхыхэрэр шэкIогъу мазэм и 13-м сыхьатыр 2-м Мыекъопэ къэралыгъо технологическэ университетым рагъэблэгъэщтых, шIухьафтынхэр щаратыжьыщтых.