Роботэу Лъэпшъ янэкъокъущт
«Уатэ 0123» зыцIэ командэу Адыгеимрэ Краснодар краимрэ ялIыкIохэр зыхэхьагъэхэм «Роботмэ язау» зыфиIорэ дунэе зэнэкъокъум иятIонэрэ едзыгъо зыкъыщигъэлъэгъощт, ар Пермь дэт спорт ордэунэу «Орленкэм» чъэпыогъум и 21-м щыкIощт.
[caption id="attachment_140514" align="alignnone" width="800"] Сурэтыр: АКъУ.[/caption]
Урысыем, Китаим ыкIи Индием къарыкIыщт командэ 34-рэ рингым щызэIукIэщтых. ЗэIукIэгъу 25-мэ анахь механическэ зэолI лъэшхэр къащылъэгъощтых ыкIи финалныкъом ихьащтых. Роботмэ язэнэкъокъу онлайн шIыкIэмкIэ мыщ шъущеплъын шъулъэкIыщт: https://clck.ru/35yMxR. Чъэпыогъум и 21-м ахэр плIэгъогогъо къагъэлъэгъощтых: сыхьатыр 9-м, 12-м, 3-м ыкIи 3.30-м.
Роботэу Лъэпшъ зыцIэр ары тэ тишъолъыр къэзыгъэлъэгъощтыр. 2023-рэ илъэсым игъэтхапэ IT-Cube.Адыгея зыцIэм хэтхэмрэ Пшызэ къэралыгъо университетым робототехникэмкIэ и Лабораторие щылажьэхэрэмрэ зы командэу зэхэхьагъэх, ащ цIэу «Уатэ 0123» фаусыгъ. Шъхьэшъо зэщиз зиIэ роботэу къаугупшысыгъэр «Роботмэ язао» фытегъэпсыхьагъэу щыт. Адыгэ лъэпкъым итхыдэмэ бэрэ къахэфэрэ гъукIэ Iазэу Лъэпшъ ыцIэкIэ ащ еджагъэх.
Роботым уатэу фашIыгъэм килограмм 20 къещэчы, ар заорэм иягъэ зэрэригъэкIыщтым щэч хэлъэп. Щылыч зэхэгъэжъагъэу роботым къешIэкIыгъэр Iужъу, онэу къырахыщтхэм акъутэнэу щытэп.
Роботым ишапхъэхэр: къыщычэрэр — кг 100; ишъомбгъогъэ-икIыхьагъэхэр — 1100 х 800 х 300 мм; зэрэчъэшъурэр — зы сыхьатым км 22-рэ.