Гъэсэныгъэ программэхэмкIэ дунэе къэгъэлъэгъонэу Туркменистан щыкIуа­гъэм Адыгэ къэралыгъо университетыр хэлэжьагъ.

Дунэе къэгъэлъэгъонэу «Псауныгъэм икъэу­хъу­мэн, гъэсэныгъэр ыкIи спортыр къэралы­гъошхом изыкъегъэIэтыжьын илъэ­хъан» зыфиIорэр чъэпы­огъум и 10-м къыщегъэ­жьагъэу и 12-м нэс къалэу Ашхабад щыкIуагъ, хэгъэгу 25-мэ ягъэсэныгъэ ыкIи шIэныгъэ органи­зациехэм ялIыкIохэр ащ ыугъои­гъэх.

Пшъэрылъ шъхьаIэр — псауныгъэм икъэухъумэн, гъэсэныгъэм ыкIи спортым алъэныкъокIэ зэпхыны­гъэхэр гъэпытэгъэнхэр, гъэсэныгъэ программэхэмкIэ зэхъожьыгъэнхэр ары. Российскэ технологи­че­скэ университетыр, Баш­кирскэ къэралыгъо кIэлэ­егъэджэ университетэу

М. Акмуллы ыцIэ зыхьырэр, АКъУ-р, Пермскэ политехыр, Нижегородскэ къэралыгъо техническэ университетыр ыкIи нэмыкI апшъэрэ еджапIэхэр къэгъэлъэгъоным хэлэжьагъэх, бакалавриатым ыкIи магистратурэм япхыгъэ еджэпIэ программэхэр Туркменистан щыпсэухэ­рэм арагъэлъэгъугъэх.

Дунэе зэпхыныгъэхэмкIэ АКъУ-м ипроректорэу ЛIыхьэтыкъо Сусаннэ тилIыкIо куп ипэщагъ, Адыгэ къэралыгъо уни­верситетым игъэсэныгъэ программэ къэгъэлъэгъоным хэлажьэхэрэр нэIуа- сэ ащ фишIыгъэх.

Докладэу «Трансформация методов препо­давания русского языка как иностранного в эпоху цифровизации» зыфиIорэр ЛIыхьэтыкъо Сусаннэ дунэе шIэныгъэ конферен-­ циеу къэгъэлъэгъоным къы­дыхэлъытэгъагъэм къы­щишIыгъ.

Адыгэ къэралыгъо университетым ипресс-къулыкъу