Лъэпкъ зыкIыныгъэм и Мафэ ипэгъокIэу МыекъуапэкIэ тхылъеджэпIэ-къутамэу N 2-м апшъэрэ классхэм апаекIэ мэфэкI Iофтхьабзэу «ТкIуачIэр — тизыкIыныгъ» зыфиIорэр афызэхащэгъагъ.

Тарихъ сыхьатым хэлэжьагъэхэм тихэгъэгу итамыгъэ шъхьаIэхэр агу къагъэкIыжьыгъэх, гимным едэIугъэх. ЗэкIэ еджакIохэр мы мафэм Урысыем иблэкIыгъэ уахътэ хэтыгъэх, илъэс 400-кIэ узэкIэIэбэжьмэ щыIэгъэ хъугъэ-шIагъэм, ащ фэдэ мэфэкIым ушъхьагъу фэхъугъэр къафыраIотыкIыгъ.

ТхылъеджапIэм иIофышIэу Н.О. Алексеевам лъэпкъ ополчением илIыхъужъхэу К. Мининымрэ Д. Пожарскэмрэ зы­фэдэгъэ цIыфхэр еджакIохэм къафиIотагъ. Джащ фэдэу мэфэкI тхылъ къэгъэлъэгъонэу «Мы едины» зыфиIорэм ашIогъэшIэгъонэу еплъыгъэх, зыгъэгумэкIырэ упчIэхэмкIэ ныбжьыкIэхэм джэуапхэр агъотыгъэх.

Непэ дунаир тыдэрэ чIы­налъи щыпхъапхъ, пщэнэу ыкIи пщэфынэу щымыт мамыр­ныгъэр ухъумэгъэн зэрэфаер мы сыхьат еджэнымкIэ тхылъеджапIэм иIофышIэхэм кIа­гъэтхъыгъ, еджакIохэми зыкIыныгъэм осэшIу зэриIэм мэхьанэ фашIыгъ.