Хъулъфыгъэр агъэмысагъ
Адыгеим щыпсэурэ хъулъфыгъэм экстремист организацием Iоф зэрэщишIэщтыгъэм къыхэкIэу УФ-м и Следственнэ комитет иследственнэ ГъэIорышIапIэу АР-м щыIэм ыгъэмысагъ.
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм къыугъоигъэ материалхэмкIэ уголовнэ Iоф къызэIуахыгъ.
Следствием зэригъэунэфыгъэмкIэ, Н.П. Воищевыр 1999-рэ илъэсым бэдзэогъум къыщегъэжьагъэу Мыекъуапэ щызэхащэгъэ дин организациеу «Управленческий центр Свидетелей Иеговы в России» зыфиIорэм хэтыгъ ыкIи илъэс зэкIэлъыкIохэм мыщ пэщэныгъэ дызэрихьагъ. 2017-рэ илъэсым шышъхьэIум и 16-м УФ-м и Апшъэрэ хьыкум мы организациер террористическэу ыкIи Урысыем Iоф щишIэн фимытэу ылъытагъ.
Агъэмысэрэм амыдэрэ организацием Iоф щишIэзэ, 2017-рэ илъэсым шышъхьэIум и 18-м къыщегъэжьагъэу 2022-рэ илъэсым нэс, Интернетым нэкIубгъо хэхыгъэ щыриIэу зэхэсыгъохэр щызэхищэщтыгъ, хэбзэнчъэу Iоф зышIэрэ организацием цIыфхэр нахьыбэу хищэнхэм пылъыгъ.
Хьыкумым ышIыгъэ унашъом къыпкъырыкIыхэзэ хъулъфыгъэм лажьэ иIэу алъытагъ ыкIи илъэси 3 хьапс тыралъхьагъ. Унашъом кIуачIэ иIэ хъугъэ.
ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм ипресс-къулыкъу.