Мы мэфэкI дэдэм фэгъэхьыгъэу хьыкум приставхэм я Федеральнэ къулыкъу АдыгеимкIэ и ГъэIорышIапIэ и Мыекъопэ хэушъхьафыкIыгъэ отдел икъулыкъушIэу Даур Биназир ипшъашъэ зычIэс еджапIэм щыIагъ.

Уи Хэгъэгу шIу плъэгъуным, мы сэнэхьатым Iоф рыпшIэным мэхьанэу яIэм, нэмыкI лъэныкъохэм къу­лыкъушIэр къатегущыIагъ. ЗэIукIэгъу-зэдэгущыIэгъур кIэлэеджакIохэм ашIогъэшIэгъоныгъ, хьыкум приставым упчIэхэр фагъэзагъэх, игъэкIотыгъэ джэуапхэри агъо­тыжьыгъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.