Социальнэ зэзэгъыныгъэ шIыкIэм тетэу 2023-рэ илъэсым къэралыгъо IэпыIэгъу гъот макIэ зиIэ унагъохэм арагъэгъотыным пае республикэм сомэ миллиони 175,7-рэ ыгъэнэфагъ. Мы илъэсыр къызихьагъэм къыщегъэжьагъэу, ахэм афэдэ унэгъо 700 фэдизмэ сомэ миллиони 130-м ехъу IэпыIэгъу арагъэгъотыгъ. Шъугу къэдгъэкIыжьын, социальнэ зэзэгъыныгъэм­кIэ пшъэрылъэу агъэца­кIэрэр тапэкIэ унагъоу зыдеIагъэхэм хэхъоныгъэ­хэр ашIынхэм къыфэщэгъэнхэр, IофшIэкIэ амал зиIэхэр нахьыбэ шIыгъэнхэр ары. — Мыщ фэдэ шIыкIэм тетэу мылъкоу къэралыгъом къыуитырэмкIэ щагу хъызмэтыр зепхьан е уиIоф къызэIупхын плъэ­кIыщт. Унэе предприниматель 300-м ехъу со­циальнэ зэзэгъыныгъэм кIэтхагъ, ащ ишIуагъэкIэ IофшIэн зэфэшъхьафхэм афежьагъэх. Ахэм ащыщ Мыекъопэ районым щы­псэурэ Иван Матюшинэу пхъэшIэ Iофым пылъыр, — къыщыхагъэщыгъ Iоф­шIэнымкIэ ыкIи социальнэ хэхъоныгъэмкIэ АР-м и Министерствэ.