Анахь дэгъухэр къэнэфагъэх
Мыекъуапэ икIэлэеджакIохэм я Спартакиадэ атлетикэ псынкIэм къыдыхэлъытэгъэ кроссымкIэ рагъэжьагъ.
Республикэм икъэлэ шъхьаIэ игурыт еджэпIэ 19 мыщ хэлэжьагъ. Пшъашъэхэм — метрэ 500, кIалэхэм — зы кило-метрэ къачъыгъ. Организацие пэпчъ нэ-бгыри 10 къыгъэлъэгъуагъ. Ахэр купитIоу гощыгъагъэх.
Апэрэ купым текIоныгъэр къыщыдихыгъ лицееу N 35-м, ятIонэрэ хъугъэ гурыт еджапIэу N 3-р, ящэнэрэ чIыпIэр къыдахыгъ гурыт еджапIэу N 2-м икIэлэеджакIохэм. ЯтIонэрэ купымкIэ чемпион хъугъэх гурыт еджапIэу N 16-м илIыкIохэр, ятIонэрэ чIыпIэм щыт гъэсэныгъэм и Гупчэу N 18-р, ящэнэрэ хъугъэ еджапIэу N 10-р.
СпартакиадэмкIэ мыр апэрэ зэнэкъокъу. КIэлэеджакIохэм джыри футбол цIыкIумкIэ, волейболымкIэ, баскетболымкIэ, теннис цIыкIумкIэ, щэрыонымкIэ, шахматхэмкIэ, спорт ориентированиемкIэ, атлетикэ псынкIэмкIэ ыкIи эстафетэмкIэ заушэтыщт.