Мысатыу обществэу «Школа здравого смысла» зыфиIорэм илIыкIо куп мы мафэхэм Адыгеим къэкIуагъ.

Ащ пхырищырэ проектэу «Сакральное кольцо России» зыфиIорэм Адыгэ Республикэр хагъахьаным фэшI шъолъыр общественнэ движениеу ­«Адыгэ нахьыжъхэр» зыфиIорэм мы купыр къыригъэблэгъагъ. Зэ­лъашIэрэ чIыпIэ дахэу тиIэхэр хьакIэхэм арагъэлъэгъущтых. Ащ къыдыхэлъытэгъэ Iофтхьабзэхэм ащыщ зэIукIэгъоу АР-м и Лъэпкъ музей тыгъуасэ щыкIуагъэр.

Ащ ипэублэ Лъэпкъ музеим ипащэу Джыгунэ Фатимэ адыгэ­хэм культурнэ ыкIи тарихъ кIэн баеу яIэр игъэкIотыгъэу къафиIотагъ, музеим чIэлъ пкъыгъохэмкIэ нэрылъэгъу афи­шIыгъ.

Нэужым музеим ихьакIэщ къыщызэрэугъоигъэх. Общест­веннэ движениеу «Адыгэ на­хьыжъхэр» зыфиIорэм ипащэу Аджыгырые Аскэрбый адыгэ шэн-хэбзэ зэхэтыкIэхэр, лъэпкъым итарихъ гъогу къафиIо­тагъ.

— Адыгеир народнэ дипломатием и Гупчэу тшIыныр типшъэрылъ шъхьаI. Ащ пае проектэу «Сакральное кольцо России» зыфиIорэм ар хэ­гъэхьэгъэным тыдэлэжьэщт, — къыIуагъ ащ.

Шъолъыр зэфэшъхьафхэм ялIыкIохэр зыхэхьэгъэхэ проектыр Урысыем къыщежьагъ ыкIи щызэлъашIагъ нахь мышIэми, мыр зынэсыщтым гъунэпкъэ гъэнэфагъэ иIэп.

Iэшъынэ Сусан.