Унашъом хэбзэ кIуачIэ иIэ хъугъэ
Адыгеим щыпсэурэ бзылъфыгъэр экстремист организацием иIофшIэн зэрэхэлэжьагъэм ыкIи Урысые Федерацием и УIэшыгъэ КIуачIэхэм афэгъэхьыгъэ къэбар нэпцIхэр зэригъэIугъэхэм апае Мыекъопэ къэлэ хьыкумым унашъоу ащкIэ ышIыгъэм хэбзэ кIуачIэ иIэ хъугъэ.
2022-рэ илъэсым мэлылъфэгъум Урысыем щынэгъончъэнымкIэ и Федеральнэ къулыкъу Урысыем щыщ В. В. Гончаровам епхыгъэ уголовнэ Iоф къызэIуихыгъ ыкIи зэхифыгъ. Урысыем и Уголовнэ кодекс ия 282.2-рэ статья ия 2-рэ Iахь ыкIи ия 207.3-рэ статья ия 2-рэ Iахь ипунктэу «д»-м къыдалъытэрэ бзэджэшIагъэхэр (экстремист организацием иIофшIэн хэлэжьагъ, Урысые Федерацием и УIэшыгъэ КIуачIэхэр зэрагъэфедэхэрэм, УФ-м икъэралыгъо къулыкъухэм яполномочиехэр зэрагъэцакIэхэрэм, УФ-м и УIэшыгъэ КIуачIэхэм япшъэрылъхэр агъэцэкIэнхэмкIэ IэпыIэгъу афэхъурэ организациехэм афэгъэхьыгъэ къэбар нэпцIхэр ахитIупщыхьагъэх) зэрихьагъэхэу ащ ылъытагъ.
Украинэм щызэхащэгъэ организациеу «Правый сектор» зыфиIорэм Iофэу ышIэрэм дыригъаштэу социальнэ хъытыухэм
В. В. Гончаровам къаригъахьэщтыгъэу хьыкумым ыгъэунэфыгъ. Мы организациер Урысые Федерацием и Апшъэрэ хьыкум 2014-рэ илъэсым шэкIогъум и 17-м экстремистскэкIэ ылъытагъ. Мы бзылъфыгъэр къызыфаджэщтыгъэр Урысыем и УIэшыгъэ КIуачIэхэу Украинэм щыкIорэ хэушъхьафыкIыгъэ дзэ операцием хэлажьэхэрэр ыкIи ахэм яунагъохэм арысхэр укIыгъэнхэр ары. Украинэм щызэрахьэрэ бзэджэшIагъэхэм Урысые Федерацием и УIэшыгъэ КIуачIэхэм ядзэкъулыкъушIэхэр ахэлажьэхэ фэдэу къэбар нэпцIхэр хъытыухэм ащ къаригъахьэщтыгъэх.
АР-м и Мыекъопэ къэлэ хьыкум В. В. Гончаровам зэрихьэгъэ бзэджэшIагъэхэм апае илъэси 6-рэ мэзи 6-рэ колонием щигъэкIонэу ыкIи илъэси 3 пIалъэ темышIэу Интернетым ихъытыухэм зи къаригъэхьан фимытэу ышIыгъ.
Унашъом хэбзэ кIуачIэ иIэ хъугъэ.
Урысыем щынэгъончъэнымкIэ и Федеральнэ къулыкъу и ГъэIорышIапIэу АР-м щыIэм ипресс-къулыкъу