Зэкlэхэми якlасэ хъугъэ лъэпкъ мэфэкlэу «Адыгэ къэбым и Мафэ» Мыекъопэ районым изыгъэпсэфыпIэу Рыфабгъо чъэпыогъум и 14-м щыкIощт. Мыщ ихэгъэу­нэфыкIын зигукъэкIыр республикэм щызэлъашIэрэ Бибэ Мурат ары. Ар опсэуфэ лъэпкъ мэфэкIхэм язэхэщэн ишъыпкъэу пылъыгъ, джы иунагъо ар лъегъэкIуатэ. Мыгъэ адыгэ къэбым и Мафэ я 11-у хагъэунэфыкIыщт. [caption id="attachment_140034" align="aligncenter" width="800"] Сурэтыр: «Адыгэ макъ»[/caption] ИжъыкIэ къыщегъэжьагъэу адыгэхэм агъэфедэщтыгъэ гъомылапхъэхэм азыфагу къэбым чIыпIэ гъэнэфагъэ щеубыты. Я ХVI-рэ лIэшIэгъум къыщегъэжьагъэу адыгэмэ къэ­быр къагъэкIы. Адыгеим ичIыгухэр ащ къекIух, дэгъоу къащэкIы. Адыгэхэм илъэс къэс кIэр рахыжьызэ къэбыр къагъэкIы. Пстэуми тызэрэщыгъуазэу адыгэ къэбыр нэмыкI къэб лъэпкъхэм зэратекIырэр ар IэшIоу, та­къоу зэрыщытыр ары. Мыр диетическэ гъомылапхъэу щыт, шхын зэмылIэужыгъохэр хашIыкIы. Адыгэхэм къэбыр хэтэрыкIхэм «япщэу» алъытэ. Ар агъажъо, агъажъэ, къэбщыпс ашIы, къэбыпс хашIыкIы, къэбыкIэр ашхы. ПсыкъечъэхыпIэу Рыфабгъо щыкIощт мэфэкIым адыгэ къэбым хэшIыкIыгъэ шхыныгъо зэмылIэужыгъохэм яIэшIугъэ щышъууплъэкIун шъулъэкIыщт. Лъэпшъыкъо Фатим.