Шъхьафитныгъэм иилъэс 80
Хэгъэгу зэошхом илъэхъан Кавказ тидзэхэм шъхьафит зашIыжьыгъэр непэ илъэс 80 хъугъэ.
[caption id="attachment_139928" align="aligncenter" width="800"] УФ-м зыкъэухъумэжьынымкIэ и Министерств.[/caption]
Мэфэ 442-рэ — 1942-рэ илъэсым ибэдзэогъу мазэ и 25-м къыщыублагъэу 1943-рэ илъэсым ичъэпыогъу и 9-м нэс Кавказ имамырныгъэ изэтегъэуцожьынкIэ заор кIуагъэ ыкIи Ленинград икъэухъумэн имэфэ 900 ыужкIэ мыр анахьыбэрэ зыщызэуагъэхэ чIыпIэу хъугъэ. Мы уахътэм советскэ дзэхэм зыкъэухъумэжьын ыкIи пыим жэхэхьан Iофтхьабзэхэр къиныгъуабэмэ апхырыкIыхэзэ рагъэкIокIыщтыгъэх, чIыналъэу ащ къызэлъиубытыгъэр цIыкIоп, Адыгеири ахэм ащыщ.
«ТичIыгогъухэм зэрахьэгъэ лIыгъэр егъашIи тщыгъупшэщтэп! Кавказ ишъэо ыкIи ипшъэшъэ пIугъэ мин пчъагъэ, ячIыгу зэрэфэшъыпкъэщтхэмкIэ тхьэлъанэ фати, зыч-зыпчэгъоу, Iашэ ашти, техакIохэм апэуцужьыгъэх ыкIи ячIыгу къаухъумагъ.Мы мафэм, илъэс 80 тешIэжьыгъэу, тафэразэу тыгу къэтэгъэкIыжьых псэемыблэжьэу пыим ебэныгъэхэр, тикъэралыгъо ишъхьафитныгъэ къыдэзыхыгъэхэр, тэри, тисабыйхэми къэкIощт уахътэ къязытыгъэхэр.
ТекIоныгъэр къытфэзыхьыгъэ лIэужым тызэрэрыгушхорэр, лIыгъэу зэрахьагъэм иегъэшIэрэ шIэжь сыдигъокIи тилъэпкъ мылъкоу щытыгъ ыкIи щытыщт!
Тятэхэмрэ тятэжъ пIашъэхэмрэ фашизмым ебэныгъэнымкIэ ялIыхъужъныгъэ тиджырэ ныбжьыкIэхэмкIэ щысэтехыпI. Советскэ дзэкIолIхэм ялIыгъэ кIырыплъыхэзэ непэ тичIыгогъухэм дзэ пшъэрылъхэр щагъэцакIэх хэушъхьафыкIыгъэ дзэ операциер зыщыкIорэ шъолъырым», — къыIуагъ Адыгеим и ЛIышъхьэу КъумпIыл Мурат.