СамбэмкIэ дунаим и НыбжьыкIэ первенствэ чъэпыогъум и 6-м щегъэжьагъэу и 8-м нэс Кыргызстан икъалэу Бишкек щыкIуагъ.

Къэралыгъо 28-мэ яспортсменхэр ащ щызэнэкъокъугъэх. Адыгеим щыщ Гъом­лэшк Анзор республикэм щыпсэухэрэр ыгъэгушIуагъэх, текIоныгъэр къыдихыгъ.

— Гъомлэшк Анзор турнирым дэгъу дэдэу зыкъыщигъэлъэгъуагъ ыкIи дышъэ медаль къыщихьыгъ. Тиспортсмен Молдавием, Казахстан, Армением, Монголи­ем ялIыкIохэм аIукIагъ ыкIи ахэм ате­кIуагъ. Анзор килограмм 64-рэ къэ­зы­щэчыхэрэм якуп щыбэнагъ. Гъэхъагъэу ышIыгъэм къыкIэлъыкIоу спортымкIэ дунэе класс зиIэ мастерым ишапхъэ ыгъэцэ­кIагъ. Тиспортсмен ныбжьыкIэ гъэ­хъэ­гъэшIоу ышIыгъэмкIэ сыфэгушIо, ар зы­гъэсэрэ тренерхэм сирэзэныгъэ гущы­Iэхэр апэсэгъохых, — къыщитхыгъ и Телеграм-нэкIубгъо Адыгэ Рес­пуб­ликэм и ЛIышъхьэу КъумпIыл Мурат.

Анзор неущ Адыгеим къэсыжьы, Теуцожъ районэу зыщыщым щыпэгъокIыщтых.