Адыгеим и Къэралыгъо Совет — Хасэм ишIу­хьафтын зэрылъ зэнэкъокъум ифинал щызэ­IукIагъэх командэхэу «Кавказ» ыкIи «Урожай» зыфиIохэрэр. ЕшIэгъур республикэ стадионым щыкIуагъ ыкIи нэбгырэ мин фэдиз еплъыгъ.

Я 9-рэ такъикъым «Урожаим» щешIэрэ Артем Косян пчъагъэр къызэIуихыгъ. Охътэ тIэкIу тешIагъэу Иван Матрениным Iэгуаор къэлапчъэм дидзагъ, пчъагъэр 2:0 хъугъэ. Ау «Кавказыр» ащ къе­зэгъыгъэп, я 22-рэ такъикъым Къэзэр Инвер Iэгуаор къэлап­чъэм дидзагъ, пчъагъэр 1:2. Я 34-рэ такъикъым Мыекъопэ районым икомандэ пчъагъэр 3:1 ышIыгъ. Ау я 41-рэ ыкIи я 69-рэ такъикъхэм Къэзэр Инвер гъогогъуитIо Iэгуаор къэлапчъэм дидзагъ, пчъагъэр – 3:3.

ЯтIонэрэ таймри гъэшIэгъоныгъ, ау пчъагъэр зэфэдизэу ешIэ­гъур аухыгъ. Ащ къыхэкIыкIэ текIоныгъэр къыдэзыхыщтыр пенальтикIэ къэнэфагъ. «Урожаир» нахь лъэшэу къычIэкIыгъ, 5:3-у текIуагъ. АР-м и Къэралыгъо Совет – Хасэм и Тхьаматэу Владимир Нарожнэр апэрэ чIыпIэр къыдэзыхыгъэ командэм фэгу­шIуагъ ыкIи къылэжьыгъэ Кубокыр ритыжьыгъ.