Адыгэ Республикэр зыщызэхащэгъэ МафэмкIэ сыгу къыздеIэу сышъуфэгушIо!

А мафэм зэкIэми гушIуагъо къышъуфихьынэу, хъугъэ-шIэгъэшхом епхыгъэ мэфэкI Iофтхьабзэхэр шIукIэ, дахэкIэ шъугу къинэжьынхэу сышъуфэлъаIо!

Тигупсэ Адыгеим цIыф лъэпкъи 100-м ехъумэ ялIыкIохэр зыкIыныгъэрэ зэгурыIоныгъэрэ азыфагу илъэу щэпсэух ыкIи Iоф щашIэ. А зэкIэми яродинэ цIыкIу шIу алъэгъу, джыри нахь зэтегъэпсыхьагъэ ар хъуным фэлажьэх. Тиунэгъошхоу лъэпкъ зэфэшъхьафыбэ зэрысым тапэкIи зэдегъэштэныгъэ ерэлъ! Адыгеим щыпсэурэ пстэуми акIуачIэ рахьылIэмэ, нэбгырэ пэпчъ итворческэ амалхэм зыкъызэIуахын алъэкIыщт, зыкIыныгъэ зыхэлъ обществэ лъэш дгъэпсышъущт.

СичIыпIэгъу лъапIэхэр! Тиреспубликэ итарихъ бай жъугъэлъапIэ, лIэшIэгъу пчъагъэ къызэпызычыгъэ лъэпкъ хабзэхэр, зыфэдэ къэмыхъугъэ тичIыопсрэ тикультурэрэ къэшъуухъумэх. ТиныбжьыкIэхэм гъэсэныгъэ зэрагъэгъотынымкIэ, сэнэхьатхэр къыхахынхэмкIэ амалышIухэр яшъутых, Адыгеимрэ ти Хэгъэгушхорэ къарыкIощтыр, неущырэ мафэр зыфэдэщтыр ахэм ялъытыгъ.

Урысые Федерацием ишъолъырхэм яспискэ апэдэдэ тиреспубликэ зэритыр зыщышъумыгъэгъупш! Президентэу Владимир Путинми лъэшэу ынаIэ ащ къытырегъэты. ТкIуачIэ етэжъугъэхьылI щыIэкIэ-псэукIэу илъымкIи шъолъыр пэрытхэм ар ахэтыным.

ЗэкIэми сышъуфэлъаIо псауныгъэ пытэ, щыIэкIэшIу шъуиIэнэу, мамыр ошъогур шъуашъхьагъ итынэу, Тхьэм ынэшIу къышъущифэнэу!

МэфэкIымкIэ сышъуфэгушIо!

Шъуи Шъэумэн Хьазрэт