Дзэ къулыкъум фэгъэхьазырыгъэнхэмкIэ гупчи 128-рэ къащызэIуахыгъ шъолъыр 75-мэ. Адыгэ Республикэм щагъэпсыгъэри ахэм ащыщ хъугъэ. Урысые Федера­цием зыкъэухъумэжьыгъэнымкIэ и Министерствэ и Коллегие изэхэсыгъо ащ фэдэ унашъо щашIыгъ. Дзэ егъэджэн гупчэр Мыекъопэ къэралыгъо технологическэ университетым къыщызэIуахыщт. Урысыем Ошъогу- космическэ кIуа­чIэ­хэмкIэ икомандование ШъхьаIэ ыгъэ­нэ­фэгъэ дзэ ухьазырныгъэмкIэ гупчэхэм студентхэм шIэныгъэ щарагъэгъотыщт. «Бакалавриатым» ыкIи «спе­циалитетым» очнэ шIыкIэм тетэу щеджэрэ студентхэу ятIонэрэ курсым исхэр ары гуп­чэм чIэхьан амал зи­Iэщтхэр. Рядовойхэр ыкIи сер­жантхэр ащ къы­чIагъэ­кIы­щтых. Еджэныр къызаухыкIэ УФ-м и УIэшыгъэ КIуа­чIэхэм язапас хэхьащтых.