Адыгэ Республикэм и Къэралыгъо Совет – Хасэм ия 28-рэ зэхэсыгъо 2023-рэ илъэсым чъэпыогъум и 2-м щыIэщт.

Зэхэсыгъом зыщахэплъэщтхэм къыкIэлъыкIорэ Iофыгъохэр ахагъэхьагъэх: законопроектэу «Адыгэ Республикэм и Законэу «Къэлэгъэпсын Iофым ехьы­лIагъ» зыфиIорэм зэхъокIыныгъэхэр фэшIыгъэнхэм фэгъэхьыгъэм» ятIонэрэу хэп­лъэ­гъэныр; законопроектхэу «Адыгэ Республикэм и Законэу «ЫпкIэ зыхэмылъ юридическэ IэпыIэгъу аратынымкIэ цIыф­хэм фитыныгъэу яIэр къыдэлъы­тэгъэным ехьылIагъ» зыфиIорэм ия 4-рэ статья ия 5-рэ, ия 6-рэ, ия 7-рэ пунктхэм кIуачIэ ямыIэжьэу лъытэгъэным фэгъэ­хьыгъ» зыфиIорэм, «Къэралыгъо е муниципальнэ мылъкум хэхьэрэ чIыгу Iахьхэр дзэкъулыкъушIэхэм, Урысые Федерацием и УIэшыгъэ КIуачIэхэм япшъэрылъхэм ягъэцэкIэнкIэ IэпыIэгъу къафэхъурэ формированием хэтынэу зэзэгъыныгъэ адэзышIыгъэхэм, Урысые Федерацием илъэпкъ гвардие идзэхэм къулыкъу ащызыхьыхэрэм (ащызыхьы­гъэхэм) ыкIи ахэм яунагъохэм арысхэм ятыгъэным ехьылIагъ» зыфиIорэм, «Адыгэ Республикэм изаконхэу «Транс­порт хэбзэIахьым ехьылIагъ», «Ады­гэ Республикэм и Къэралыгъо Совет – Хасэм идепутат истатус ехьылIагъ», «ЦIыфхэр жъугъэу зыхэлэжьэрэ Iоф­тхьаб­зэхэм язэхэщэнкIэ Iофыгъо заулэ зэшIохыгъэным ехьылIагъ», «ЧIыпIэ общест­веннэ зыгъэIорышIэжьыным къэра­лыгъо IэпыIэгъу егъэгъотыгъэным ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» апэрэу ахэплъэгъэныр ыкIи нэмыкI Iофыгъохэр.

Адыгэ Республикэм и Къэралыгъо Совет – Хасэм изэхэсыгъо сыхьатыр 10-м Адыгэ Республикэм и Правительствэ зычIэт унэм (Жуковскэм иурам тет унэу N 22-м) и Залышхо щырагъэжьэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр