Атлетикэ онтэгъумкIэ СССР-м ыкIи РСФСР-м язаслуженнэ тренерэу Ю.П. Саркисянрэ УФ-м изаслуженнэ тренерэу В.Ф. Соколовымрэ афэгъэхьыгъэ я III-рэ Урысые зэнэкъокъу Краснодар краим ипсэупIэу Сукко щыкIуагъ.

Адыгэ Республикэм испортсмен­хэр ащ чанэу хэлэжьагъэх, меда­ли 8 къахьыгъ.

Турнирым Урысыем испортсмен 200-мэ зыщаушэтыгъ, ахэр шъо­лъыр 21-мэ къарыкIыгъэх. Тирес­пуб­ликэ къэзыгъэлъэгъуагъэхэр атлетикэ онтэгъумкIэ спорт еджа­пIэу М.Н. Чыржьыным ыцIэ зы­хьырэм зыщызыгъасэхэрэр ары. Командэхэм язэнэкъокъу Адыгеим ятIонэрэ чIыпIэр къыщыдихыгъ. Краснодар краим илIыкIохэм текIоныгъэр афагъэшъошагъ, Чэ­чэн Республикэр ящэнэрэ хъугъэ.

Адыгеим икомандэ хэтхэу апэрэ чIыпIэр къыдэзыхыгъэхэр Красно­гвардейскэ районым щыщых. Ахэр: Арсен Мнацаканян ыкIи Мария Шашуринар. ЯтIонэрэ хъугъэх Ро­ман Оглы ыкIи Анастасия Попу­лен­­кэр. Джащ фэдэу республикэм илIыкIохэу Бырдж Айдэмыр, Былы­мыхьэ Расул, Глеб Немовым ыкIи Александр Кузьменкэм ящэнэрэ чIыпIэр къахьыгъ.