Адыгэ Республикэм и ЛIышъхьэ иунашъоу Iоныгъом и 26-м къыдэкIыгъэмкIэ Адыгеим ипредпринимательхэм яфитыныгъэхэм якъэухъумэнкIэ Уполномоченнэу Къонэ Азэмат агъэнэфагъ. Ащ ыпэкIэ Зэфэс Вла­дислав ары а IэнатIэм Iутыгъэр. IэнэтIакIэм Iухьагъэм пшъэрылъыбэ зэшIуихын фаеу хъущт, ахэр зэпхы­гъэхэр предприниматель­хэм яфитыныгъэхэр къэу­хъумэ­гъэнхэр, предприни­ма­тельствэ цIыкIумрэ гуры­тымрэ къахиу­бытэ­хэрэм IэпыIэгъу ятыгъэ­нымкIэ зехьэгъэн фэе Iофтхьабзэхэр икъоу алъы­гъэIэсыгъэнхэр, ин­вес­ти­циехэмкIэ республи­кэм нахь анаIэ къытыра­дзэныр ыкIи IофшIэныр гъэлъэшыгъэныр ары. Къонэ Азэмат экономи­ческэ ыкIи апшъэрэ юри­дическэ гъэсэныгъэ иI. Илъэс 18-рэ хьыкум прис­тавхэм я Федеральнэ къулыкъу и ГъэIорышIапIэу Адыгэ Республикэм щыIэм Iоф щишIагъ, непэ нэс а ГъэIорышIапIэм ипащэ игуадзэу щытыгъ. Урысые Федерацием юстициемкIэ и Министерствэ, хьыкум приставхэм я Федеральнэ къулыкъу ятын зэфэшъ­хьафхэр къыфагъэшъошагъэх.