Адыгэ Республикэм и ЛIышъхьэ ишIухьафтын зэрылъ зэнэкъокъум иятIонэрэ едзыгъо къыдыхэлъытэгъэ ешIэгъухэр командэхэм яIагъэх.

Футболыр зыгу рихьыхэрэр ашIогъэшIэгъоу зэIукIэгъухэм яп­лъыгъэх, футболистхэми ешIэкIэ дахэ къагъэлъэгъуагъ. Я 10-рэ турым къыдыхэлъытэгъэ ешIэгъуи 4-м командэхэм Iэгуаор къэлап­чъэм гъогогъу 25-рэ дадзагъ.

«Тэхъутэмыкъуаер» командэу «Мыекъуапэ» 4:0-у текIуагъ. «Чэ­чэнаим» Пэнэжьыкъуае зэIукIэгъуитIу щыриIагъ. Апэрэр «Адыгэкъалэ» 5:0-у къышIуихьыгъ, ятIонэрэм «АГУ-р» къыщыте­кIуагъ. Чемпионатым пэрытныгъэр щызыIыгъ «Кавказыр» Джэджэ районыр къэзыгъэлъэгъорэ «Сириусым» дешIагъ ыкIи 10:2-у текIоныгъэр къыдихыгъ. Мы зэIукIэ­гъум хэлэжьэгъэ Денис Павловым гъо­гогъуи 4 Iэгуаор къэлапчъэм дидзагъ.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кавказ» — 24. 2. «АГУ» — 15. 3. «Чэчэнай» — 15. 4. «Кощхьабл» — 12. 5. «Тэхъутэмыкъуай — 12. 6. «Урожай» — 9. 7. «Адыгэкъал» — 9. 8. «Сириус» — 6. 9. «Мыекъуапэ — 3.

Я 11-рэ турым къыдыхэлъытагъэу Iоныгъом и 30-м «Кавказыр» «Урожаим», «Кощхьаблэр» «Тэхъу­тэмыкъуаем аIукIэщтых. Чъэпыогъум и 1-м «Мыекъуапэ» «Чэчэ­наим» дешIэщт.