ФутболымкIэ Урысыем изэнэкъокъу иятIонэрэ лигэ щешIэрэ командэхэм зичэзыу ешIэгъухэр яIагъэх. Я 11-рэ турым Мыекъопэ «Зэкъошныгъэр» «Динамо Ставрополь» дешIагъ ыкIи пчъагъэр зэфэдизэу ешIэгъур аухыгъ.

«Динамо Ставрополь» (Ставро­поль) – «Зэкъошныгъ» (Мыекъуа­пэ) 0:0 (0:0). «Зэкъошныгъэм» мы зэIукIэ­гъум текIоныгъэр къызщыдихыкIэ апэрэ чIыпIэм кIон ылъэкIыщтыгъ, ау ащ пае станицэу Павловскэм икомандэ къытекIонхэ фэягъ. Ау купым аужырэ чIыпIэр щызыIыгъ бысымхэм пытэу зыкъагъэ­лъэгъуагъ, хьакIэхэм Iэгуаор къэлапчъэм дадзэн алъэкIыгъэп ыкIи ящыкIэгъэ очкоуи 2 чIанагъ.

­— ТыздешIэгъэ командэм дэ­гъоу зыкъыгъэлъэгъуагъ. Iэгуаор къэлапчъэм дэтыдзэнэу амылыбэ тиIагъэми, ар тфызэшIокIыгъэп. Непэ текIоныгъэр къыдэтхын фэягъ, ау къыддэхъугъэп, — къыIуагъ Мыекъопэ «Зэкъош­ныгъэм» итренер шъхьаIэу Беслан Аджинджал.

Я 11-рэ турым изэфэ­хьы­сыжь­хэр:

«СКА» (Ростов-на-Дону) — «Ру­бин» (Ялта) — 1:3, «Севастополь» — «Кубань Холдинг» — 1:0. Командэхэр зыдэщыт чIыпIэ­хэр ыкIи очко пчъагъэу рагъэ­къугъэр: 1. «Кубань Холдинг» — 18. 2. «Зэкъошныгъ» — 17. 3. «Рубин» — 17. 4. «Биолог-Новокубанск» — 14. 5. «Севастополь» — 14. 6. «СКА» — 10. 7. «Динамо Ставрополь» — 4.

КъыкIэлъыкIощт ешIэгъур «Зэ­къош­ныгъэм» Мыекъуапэ щыри­Iэщт, Iоныгъом и 30-м сыхьатыр 4-м «Севастополь» IукIэщт.