Ангелина Винник идышъэ медаль
Кушъхьэфэчъэ спортымкIэ дунэе зэнэкъокъоу «Адыгеим инартхэр» зыфиIорэр Мыекъуапэ щыкIуагъ.
Илъэс 17 – 18 зыныбжь пшъашъэхэр мыщ хэлэжьагъэх. Зэфэхьысыжьхэм къызэрагъэлъэгъуагъэмкIэ, Адыгеим испортсменкэ текIоныгъэр къыдихыгъ.
Километрэ 15 зэрылъ гъогууанэм Белоруссием, Адыгеим, Санкт-Петербург, Краснодар краим ыкIи Ростов хэкум ялIыкIохэм зыщаушэтыгъ. Олимпийскэ резервым иреспубликэ спорт еджапIэ зыщызыгъэсэрэ нэбгырищмэ Адыгеир къагъэлъэгъуагъ. Ахэр: спортымкIэ мастерэу Ангелина Винник, мастер хъунхэмкIэ кандидатхэу Диана Гейко ыкIи Афида Вавилинар.
Тренерэу Алексей Войновым ыгъэсэрэ Ангелина Винник зэнэкъокъум дэгъу дэдэу зыкъыщигъэлъэгъуагъ, зэкIэми къатечъыгъ ыкIи дышъэ медаль къыфагъэшъошагъ.