Спорт гимнастикэмкIэ Темыр-Кавказ ыкIи Къыблэ федеральнэ шъолъырхэм япервенствэ мы мафэхэм рагъэкIокIыгъ. Илъэс 12 – 13 зыныбжь кIалэхэр ащ хэлэжьагъэх.

Мыекъопэ спорт еджапIэу В. С. Максимовым ыцIэ зыхьырэм зыщызыгъэсэхэрэ Давид Мел-конян, Тимур Раджабовым, Иван Гладковым, Денис Тудиряковым гъэхъэгъэшIухэр ашIыгъэх, ахэм балл 325,2-рэ рагъэкъугъ, ар апэрэ спорт разрядым дештэ. Мыщ фэдэ зэфэхьысыжь дэгъум ишIуагъэкIэ Адыгеим икомандэ зэнэкъокъум ятIонэрэ чIыпIэр къыщихьыгъ ыкIи апэрэу Ростов хэкум ыпэ ишъын ылъэкIыгъ. ТекIоныгъэр Краснодар краим илIыкIохэм къыдахыгъ.

Адыгеим испортсменэу Цышэ Муртаз Урысыем «спортымкIэ имастер» зыфиIорэ цIэр къыгъэ-шъыпкъэжьын ылъэкIыгъ, ащ балл 74,1-рэ ригъэкъугъ.

Тиспортсмен ныбжьыкIэхэр агъасэх апшъэрэ категорие зиIэ тренерэу Людмила Поповамрэ Урысыем изаслуженнэ тренерэу Вячеслав Косныхрэ.