Адыгеим ибоксер ныбжьыкIэу Евгений Жоровым Мыекъопэ къэлэ администрацием ипащэ ирэзэныгъэ тхылърэ ишIухьафтынрэ фагъэшъошагъэх.

Спорт еджапIэу С. М. Джэн-чатэм ыцIэ зыхьырэм зыщы-зыгъэсэрэ кIалэм 2023-рэ илъэсым Урысыем изэнэкъокъу текIоныгъэр къыщыдихыгъ. Iофтхьабзэр къалэу Серпуховэ щыкIуагъ. Килограмм 51-м нэс къэзыщэчыхэрэм якуп Евгений зыщиушэтыгъ, илъэс 19 – 22-рэ зыныбжьхэр ары зэнэ-къокъум хэлэжьагъэхэр.

Спортсменыр зыгъасэрэр Ады-гэ Республикэм изаслуженнэ тренерэу Александр Ким.

Мы спорт лъэпкъымкIэ Европэм изэнэкъокъу шэкIогъум ыкIэм зэхащэщт. Евгений Жоровым ащ Адыгеир къыщигъэлъэгъощт.