ФутболымкIэ Урысыем и Кубок икъыдэхын фэгъэхьыгъэ зэнэкъокъум къыдыхэлъытагъэу Мыекъопэ «Зэкъошныгъэр» Ростов-на-Дону икомандэу «СКА-м» IукIагъ. Республикэм икъэлэ шъхьаIэ щыкIогъэ ешIэгъум хьакIэхэр нахь щылъэшыгъэх.

«Зэкъошныгъ» (Мыекъуапэ) – «СКА» (Ростов-на-Дону) 1:1 (пенальтикIэ 3:4).

ЕшIэгъум еплъынхэу респуб-ликэ стадионым цIыфыбэ къы-щызэрэугъоигъ. ЗэкIэхэри те-кIоныгъэм ежагъэх, ау тифут-болистхэм ар къадэхъугъэп.

Я 29-рэ такъикъым хьакIэхэм пчъагъэр къызэIуахыгъ. Я 83-рэ такъикъым тикомандэ икапи-танэу Делэкъо Аскэр Iэгуаор къэлапчъэм дидзагъ, пчъагъэр 1:1 хъугъэ. Зэнэкъокъум пылъ шапхъэм диштэу командитIум анахь лъэшыр пенальтикIэ къэнэфагъ. Тифутболистхэм гъогогъуитIо Iэгуаор къэлапчъэм дадзэн алъэкIыгъэп, «СКА-м» текIоныгъэр къыдихыгъ.

Урысыем ипервенствэ къы-дыхэлъытэгъэ зичэзыу ешIэгъум мы командэхэр джыри щызэ-IукIэщтых.