ХэушъхьафыкIыгъэ дзэ операцием хэлэжьэрэ дзэкъулыкъушIэхэм апае зэпымыоу шIушIэ IэпыIэгъур республикэм щаугъои, амал зэриIэкIэ тхьамафэм зэ афащэ. 

Ащ фэдэ Iофтхьабзэхэм якIэщакIохэм зэу ащыщ ветеранхэм я Урысые общественнэ организацие и Адыгэ республикэ къутамэу «Боевое братс-тво» зыфиIорэр.

Мы организацием хэтэу Iэзэщыкъ Геннадий мэфэ заулэкIэ узэкIэ-Iэбэжьымэ Херсон хэкум къикIыжьыгъ, ащ зичэзыу шIушIэ IэпыIэгъур тидзэ-кIолIхэм афищагъ.

— Мы зичэзыу кIогъум афэтщагъэхэр зэкIэ дзэкъулыкъушIэхэм нахь ящыкIа-гъэу къызкIэлъэIугъэхэр ары, — къеIуатэ Iэзэщыкъ Геннадий. — Ахэр: дронэу къэбыбырэм ымакъэ нахь лъэшэу къэзыгъэIурэр, тепловизор, бензо-генератор, пхъэххэр, къазгъыр-хэр, хъытыу зэфэшъхьафхэр, зэрагъэ-фэбэрэ пкъыгъохэр, зызэратхьа-кIыщтхэр, нэмыкIхэри. Анахьэу зыщыгушIукIыгъэхэр ягупсэхэм къафа-гъэхьазырыгъэхэр ары. Джащ фэдэу тидзэкIолIхэм агъэфедэрэ электро-генератор къутагъэр къыздэтщэжьыгъ, ар афядгъэшIыжьынышъ, кIэу тыугъоирэ шIушIэ IэпыIэгъум хэтэу афэтщэжьыщт.

Ветеранхэм я Урысые общественнэ организацие и Адыгэ республикэ къутамэу «Боевое братство» зыфиIорэм итхьаматэу Алексей Харитоновым шIушIэ Iофтхьабзэу зэрахьэрэм чанэу къыхэлажьэхэрэм ирэзэныгъэ гущы-Iэхэр афигъэзагъэх.

— Сигуапэу тхьашъуегъэпсэу ясIомэ сшIоигъу «Волонтерская рота Боевого Братства», «За Наших», «Бумеранг» зыфиIохэрэм ыкIи «ДзэкIолI пщэры-хьапIэм». Зэпымыоу зишIуагъэ къытэ-зыгъэкIыхэрэм ащыщ псэолъэшI базэу «Прораб» зыфиIорэм ипащэу Валерий Чуб, — хигъэунэфыкIыгъ Алексей Харитоновым.

Iэзэщыкъ Геннадий шIушIэ IэпыIэгъур тидзэкIолIхэм зэрафищагъэм имы-закъоу, Херсон хэкум иобщественнэ организациеу «Боевое братство» зы-фиIорэм ипащэу Игорь Телегиным зэIукIэгъу дыриIагъ. Шъолъыр къута-мэхэр тапэкIэ зэрэзэдэлэжьэщтхэм иIофыгъохэм атегущыIагъэх ыкIи ти-ныбжьыкIэхэм япатриотическэ пIуны-гъэкIэ анахьэу анаIэ зытырагъэтыщт лъэныкъохэр агъэнэфагъэх.

— Мыекъуапэрэ Геническэрэ зэ-къош къалэх. ЗэIукIэгъур ныбджэ-гъуныгъэ нэшанэ хэлъэу рекIокIыгъ, тызэгъусэу пхырытщыщт проектхэр, джыри тызыщызэIукIэщт уахътэр дгъэнэфагъэх, — къыхигъэщыгъ Iэзэ-щыкъ Геннадий.

IЭШЪЫНЭ Сусан.