ФутболымкIэ Урысыем изэнэкъокъу иятIонэрэ лигэ щешIэрэ командэхэм зичэзыу ешIэгъухэр яIагъэх. Я 8-рэ турым Мыекъопэ «Зэкъошныгъэр» Ялтэ щешIагъ ыкIи текIоныгъэр къыдихыгъ.

«Рубин» (Ялта) – «Зэкъош-ныгъ» (Мыекъуапэ) 0:1 (0:0).

Мы илъэсым командэхэр ятIонэрэу зэIукIагъэх. Апэрэм «Зэкъошныгъэр» нахь щылъэшыгъ, пчъагъэр 2:1-у ешIэгъур аухыгъ. Ау мыщ ыпэрэ турым тикомандэ къытекIуагъэх. Ащ къыхэкIыкIэ тифутболистхэр зэIукIэгъум къызэрекIолIэщтхэм, хэукъоныгъэу ашIыгъэхэр зэрэдагъэзыжьыщтхэм уалъыплъэныр гъэшIэгъоныгъ. Беслан Аджинджал зипэщэ командэм ешIэкIэ дахэ къыгъэ-лъэгъуагъ, ифэшъуашэу текIо-ныгъэр къыдихыгъ. Ау къэлапчъэм Iэгуаор зэ ныIэп дидзэн зэри-лъэкIыгъэр.

Апэрэ таймыр 0:0-у аухыгъ. ЯтIонэрэм ыпэкIэ щешIэрэ Даниил Антоненкэм Iэгуаор къызIэ-кIигъахьи, къэлапчъэм екIугъ ыкIи пчъагъэр къызэIуихыгъ. «Зэкъош-ныгъэм» итренер шъхьаIэ тифут-болистхэм яешIакIэ ыгъэрэзагъ.

— СызэрегупшысэрэмкIэ, ифэ-шъошэ дэдэу текIоныгъэр къыдэт-хыгъ. Iэгуаор къэлапчъэм дэтыдзэнымкIэ амалышIухэр тиIагъэх, ау зэ ныIэп къызэрэд-дэхъугъэр, — къыIуагъ Беслан Аджинджал.

Я 8-рэ турым изэфэхьысыжьхэр:

«СКА» (Ростов-на-Дону) — «Кубань Холдинг» (ст.Павловскэр) — 0:1, «Рубин» (Ялта) – «Зэ-къошныгъ» (Мыекъуапэ) — 0:1, «Динамо Ставрополь» — «Биолог-Новокубанск» (п. Прогрессыр) — 0:1.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кубань Холдинг» — 15. 2. «Рубин» — 14. 3. «Биолог-Новокубанск» — 13. 4. «Зэкъошныгъ» — 13. 5. «Севастополь» — 10. 6. «СКА» — 10. 7. «Динамо Ставрополь» — 3. КъыкIэлъыкIощт ешIэгъур «Зэ-къошныгъэм» Мыекъуапэ щыри-Iэщт, Iоныгъом и 17-м «СКА-м» IукIэщт. Урысыем и Кубок къыдэ-хыгъэным фэгъэхьыгъэ зэнэкъо-къум къыдыхэлъытагъэу мы командэхэр неущ республикэм икъэлэ шъхьаIэ щызэдешIэщтых.