Урысыем гандболымкIэ ичемпионат Адыгеим икомандэу хэлажьэрэм мы илъэсым зэIукIэгъуитIоу иIагъэр шIуахьыгъ.

«Ростов-Дон» (Ростов-на-Дону) — «АГУ-Адыиф» (Мыекъуапэ) – 37:13 (19:9).

Урысыем гъогогъу пчъагъэрэ ичемпионэу «Ростов-Доным» удешIэныр зэрэмыпсынкIэр мы зэIукIэгъум къыгъэлъэгъуагъ. Бы-сымхэм ешIэкIэ дахэ къагъэ-лъэгъуагъ. Анахьэу ахэм къахэ-щыгъэр къэлэпчъэIутэу Анастасия Казьменкэр ары, тигандболист-кэхэм адзыгъэ Iэгоо 14-м щыщэу 10-р ащ къызэкIидзэжьыгъ. Ростов-на-Дону икомандэ ыпэкIэ щешIэхэрэ Валерия Кирдяшевамрэ Алена Амельченкэмрэ зэгъусэхэу гъогогъу 13-рэ Iэгуаор тикомандэ икъэлапчъэ къыдадзагъ.

«АГУ-Адыифым» хэтхэм анахь къахэщыгъэр Алиса Дворцеваяр ары, ащ гъогогъуи 7 Iэгуаор къэлапчъэм дидзагъ.

— ГухэкI нахь мышIэми, тызы-фэе ешIакIэр къэдгъэлъэгъон тлъэкIыгъэп. Мыщ нахь дэгъоу тыджэгун тлъэкIыщт. ШышъхьэIум ипэублэр ары тикомандэ хэтхэр зэкIэ зызэIукIэжьыгъэхэр ыкIи зэнэкъокъум зыфагъэхьазырынэу зырагъэжьэжьыгъэр. Арышъ, IофшIэнышхо тапэ илъ, — къыIуагъ «АГУ-Адыифым» итренер шъхьаIэу Наталья Дерепаскэм. Адыгеим икомандэ зичэзыу ешIэгъоу иIэщтыр Мыекъуапэ щыкIощт. Мы аужырэ илъэситIум Урысыем ичемпионэу «ЦСКА-м» Iоныгъом и 17-м IукIэщт.