ШIушIэным и Дунэе мафэ ыпкIэ шъумытэу гъэзетхэмрэ журналхэмрэ шъуакIэтхэн шъулъэкIыщт
2023-рэ илъэсым икъихьэгъум къыщегъэжьагъэу Адыгэ Респуб-ликэм исхэр Iофтхьабзэу «ШIушIэным ичъыг» зыфиIорэм тегъэпсыхьагъэу гъэзет ыкIи журнал 700-м ехъумэ акIэтхэнхэ алъэкIыгъ.
ШIушIэным зышIоигъо пстэуми зыфагъэзэн алъэкIыщт. Ащ пае Урысыем и Почтэ имобильнэ гуадзэ, Iофтхьабзэу «ШIушIэным ичъыг» зыфиIорэм инэ-кIубгъо къызфэжъугъэфедэн шъулъэкIыщт. Ащ нэмыкIэу почтэ къутэмэ пстэуми, ежь почтальонхэми зафэжъу-гъазэмэ хъущт. АщкIэ ищыкIагъэр шъолъырэу ыкIи социальнэ учреждениеу шъузыфаер къахэшъухыныр ары. Почтэм ежь-ежьырэу тедзэгъухэр зищыкIагъэхэм аIэкIигъэхьажьыщт. Нэбгырэ зырызхэм ямызакъоу, организациехэри, компа-ниехэри а Iофтхьабзэм хэлэжьэнхэ алъэкIыщт. ШIушIэ кIэтхэныр Адыгеим исоциальнэ учреждениитфымэ атегъэпсыхьагъэу зэшIопхын плъэкIыщт.
НахьыбэрэмкIэ республикэм исхэр ащ фэдэ шIыкIэм тетэу зыкIатхэхэрэр «Майкопские новости», «Здоровый образ жизни», «Непоседа», «Саша и Маша», «Лечебные письма» зыфиIохэрэр ары. Урысыем и Почтэ икаталог тедзэгъу 6500-м ехъу ижъугъотэн шъулъэкIыщт, Урысыем щыпсэурэ цIыф лъэпкъ зэфэшъ-хьафхэм абзэкIэ къыдэкIыхэрэри ахэм ахэхьэх. Общественнэ политикэ мэхьанэ зиIэ, узыгъэчэфыщт, птезыгъэущт, сэнэ-хьат зэфэшъхьафхэм япхыгъэ гъэзетхэр ыкIи журналхэр ахэм ахэбгъотэщтых. КIэлэцIыкIухэм афытегъэпсыхьагъэу 300-м ехъу каталогым къыхеубытэ.
ШъушIэным пае: Iахьзэхэлъ обществэу «Урысыем и Почтэ» логистическэ компаниеу щыт, хэгъэгум истратегическэ предприятиехэм ар ахэхьэ. ЦIыфхэм социальнэ, мылъку, цифрэ технологиехэм алъэныкъокIэ яфэIо-фашIэхэм уащи-гъэгъозэн ылъэкIыщт Урысыем и Почтэ. Адыгэ Республикэм почтэ къутэми 137-рэ иI (ащ щыщэу 110-р къуаджэхэм адэт). Километрэ 8000 фэдиз зикIыхьэгъэ автомобиль гъогу 38-рэ республикэм пхырэкIы.
Тикъэбархэм ренэу шъуащыгъозэным пае Почтэм ителеграмм-канал шъукIатх: https://t.me/napochte.
Урысыем и Почтэ ипресс-къулыкъу