Урысые Федерацием и Следственнэ комитет и Следственнэ гъэIорышIапIэу Адыгэ Республикэм щыIэм и Джэджэ следственнэ отдел уголовнэ Iоф къызэ- Iуихыгъ Джэджэ районым ипсэупIэу Джаджэм дэс хъулъфыгъэм инэIосэ бзылъфыгъэм утын хьылъэхэр зырехыхэм ыуж идунай ащ зэрихъожьыгъэм фэшI.

Урысые Федерацием и Уголовнэ кодекс ия 3-рэ статья ия 4-рэ Iахь къыдилъытэрэ бзэджэшIагъэр (утын хьылъэхэр зэрэтырищагъэхэм ыкIи ащ ыпкъ къикIэу идунай зэрихъожьыгъэм фэшI) зэрихьагъэу ащ егуцафэх.

Следствием зэригъэунэфыгъэмкIэ, 2023-рэ илъэсым шышъхьэIум и 31-м Джэджэ районымкIэ псэупIэу Джаджэм щыщ хъулъфыгъэм дэжь шъон пытэхэм яшъонхэм пае инэIосэ бзылъфыгъэр къэкIогъагъ. ЗэдэгущыIэхэзэ зэфэ-губжыхи, хъулъфыгъэ ешъуагъэм мызэу, мытIоу бзылъфыгъэм ыIэ тырищэягъ, утынэу рихыгъэхэм апкъ къикIэу ащ лъыпытэу бзылъфыгъэм ыпсэ хэкIыгъ.

Мы лъэхъаным уголовнэ IофымкIэ зэхэфын Iофтхьабзэхэр макIох.