Урысыем монополием пэшIуекIогъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм Кощ- хьаблэ щыщ предпринимателыр зипшъэрылъ зымыгъэцакIэхэрэм яреестрэ хигъэхьагъ.

Мыекъопэ къэлэ поликлиникэм мы илъэсым мэкъуогъум аукционэу зэхищэ-гъагъэр поликлиникэм иигъэкIотыгъэ гъэцэкIэжьын епхыгъэу щытыгъ. Зэзэ-гъыныгъэм къыдилъытэщтыгъэ уасэр сомэ миллиони 2-м тIэкIу шIокIыщтыгъ.

Мы аукционым подрядчик 12 хэлэжьэгъагъ. Кощхьаблэ щыщ предпри-нимателыр ащ щатекIуагъ ыкIи зэзэгъы-ныгъэм ыуасэ процент 50 къыщигъэкIагъ. Нэужым нафэ къызэрэхъугъэмкIэ, зэдашIыгъэ зэзэгъыныгъэм пшъэрылъэу къыдилъытэщтыгъэхэр ащ ыгъэцэ-кIэшъугъэхэп.

«Иамалхэр икъоу къыдилъытагъэхэп, пIалъэу фагъэнэфагъэм ехъулIэу ыгъэцэкIагъэр зэшIуихын фаеу щытыгъэ IофшIэным изы Iахь ныIэп. Ар къызхэкIыгъэмкIэ ушъхьагъу горэми игугъу къышIыгъэп», — къытыгъ Урысыем монополием пэшIуекIо-гъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу.

Мыекъопэ къэлэ поликлиникэм ипащэхэм къулыкъум зыкъыфагъэзагъ предпринимателым фэгъэхьыгъэ къэбарыр реестрэм ригъэхьанэу. Игъом гъэцэкIэжьын IофшIэнхэр зэрэзэшIуи-мыхыгъэхэм епхыгъэу ащ фэдэу зекIуагъэх.

«Подрядчикым зэзэгъыныгъэм къы-дилъытэрэ пшъэрылъхэр икъоу зэри-мыгъэцэкIагъэхэм пае монополием пэшIуекIорэ къулыкъум икомиссие унашъо ышIыгъ а предпринимателыр илъэси 2 пIалъэкIэ реестрэм хагъэу-цонэу. Джы Мыекъопэ поликлиникэм мы аукционым хэлэжьагъэхэм ащыщ нэмыкI горэм зэзэгъыныгъэ дишIын фаеу хъугъэ», — къытыгъ пресс-къулыкъум.