Темыр Кавказым щыпсэурэ цIыф лъэпкъхэм язэкъошныгъэ гъэпытэгъэным фытегъэпсыхьэгъэ зэнэкъокъур Чэчэн Республикэм икъэлэ шъхьаIэу Грознэм щаублагъ.

Мы Iофтхьабзэр 1993-рэ илъэ-сым къыщегъэжьагъэу рагъэкIокIы. Ар зигукъэкIыр Адыгэ Республикэм иапэрэ Президентэу Джарымэ Аслъан.

Мэфэ пчъагъэм телъытэгъэ зэнэкъокъур апэрэу Чэчэн Рес-публикэм щызэхащэгъагъ. Мыгъэ ащ спортсмени 100-м ехъу хэлажьэ. Ахэр Урысыем, Бело-руссием, Зэхэт Араб ПщыпIэу Эмиратхэм къарыкIыгъэх.

Мэхьанэшхо зиIэ спорт Iоф-тхьабзэм хэлажьэ Адыгеим щы-щэу, спортымкIэ мастерэу СтIашъу Мамыр. МэфипшIым къыкIоцI спортсменхэм километрэ 1100-рэ хъурэ гогъууанэр къакIун фае.

— Темыр-Кавказ федеральнэ шъолъырымрэ Адыгеимрэ кушъ-хьэфэчъэ спортым ягупчэхэу зэрэщытхэр мы зэнэкъокъум джы-ри зэ къеушыхьаты.

Мы чIыпIэхэм апхырыкIырэ гъогухэм язытет шэпхъэшIухэм адештэ, чIыопсыр дэхэ дэд. Зэнэкъокъур мэфэкI шъыпкъэ зэрэхъущтым, мы спорт лъэпкъым хэхъоныгъэхэр ышIынхэм зэрэ-фэIорышIэщтым сицыхьэ телъ, — къыIуагъ Урысыем кушъхьэфэчъэ спортымкIэ и Федерацие ипре-зидентэу Вячеслав Екимовым.

Хабзэ зэрэхъугъэу, зэнэкъокъум иаужырэ я 10-рэ едзыгъо Адыгеим щырагъэкIокIыщт. Спортсменхэм километри 124,8-рэ къачъыщт. Iофтхьабзэр Iоныгъом и 16-м щыIэщт, къызыщырагъэжьэщтыр къутырэу Казенно-Кужорскэр ары, зыщаухыщтыр — Мыекъуапэ.