СамбэмкIэ дунаим ыкIи Европэм ячемпионэу Арчил Чохели ишIэжь фэгъэхьыгъэ турнирэу къалэу Тбилиси щыкIуагъэм Адыгеим исамбист медалитIу къыщихьыгъ.

Грузием, Азербайджан, Армением, Грецием, Кипр, Казах-стан ыкIи Урысыем яспортсменхэр зэнэкъокъугъэх.

Урысыем ихэшыпыкIыгъэ командэ хэтыгъ Адыгэ Респуб-ликэм илIыкIоу ЛIыIужъу Азмэт. Тисамбист Тэхъутэмыкъое спорт еджапIэу N 1-м зыщегъасэ.

Зэнэкъокъум иапэрэ мафэ Джарымэкъохэу Азмэтрэ Рустамрэ агъэсэрэ тиспортсмен ящэнэрэ чIыпIэр къыщихьыгъ, килограмм 98-м нэс къэзыщэчыхэрэм якуп ар щыбэнагъ.

ЯтIонэрэ мафэм Урысыем ихэшыпыкIыгъэ командэ хэтэу ЛIыIужъу Азмэт текIоныгъэр къыдихыгъ. ЯтIонэрэ чIыпIэр Грузием фагъэшъошагъ, Азер-байджан ящэнэрэ хъугъэ.