ФутболымкIэ Адыгеим изэнэкъокъу къыдыхэлъытэгъэ зичэзыу ешIэгъухэр командэхэм яIагъэх. Мыщ ныбжьыкIэхэр хэлажьэх.

Мыщ зыщызыушэтырэ команди 9-м щыщэу ешIэгъуи 7 зиIагъэр «Тэхъутэмыкъуай» зыфиIорэ закъор ары, адрэхэм нахь макI.

БлэкIыгъэ турым тэхъутэ-мыкъуаехэр Теуцожь районым икомандэу «Чэчэнаим» дешIагъэх, зэIукIэгъур 1:1-у аухыгъ. «Кощхьаб-лэр» «Нартым» дешIагъ ыкIи пчъагъэр 3:0-у текIоныгъэр къыдихыгъ. «Адыгэкъалэ» Джэджэ районыр къэзыгъэлъэгъорэ «Сириусым» къышIуихьыгъ, пчъагъэр – 7:0. «Мыекъуапэ» Крас-ногвардейскэ районым икомандэу «Кавказым» текIуагъ, зэIукIэгъур 11:2-у аухыгъ.

Командэхэр зыдэщыт чIы-пIэхэр ыкIи очко пчъагъэу рагъэкъугъэр:

1. «Тэхъутэмыкъуай» — 14. 2. «Мыекъуапэ» — 13. 3. «Адыгэкъал» — 11. 4. «Урожай» — 10. 5. «Чэчэнай» — 10. 6. «Сириус» — 6. 7. «Кощхьабл» — 4. 8. «Кавказ» — 0. 9. «Нарт» — 0.

Командэхэм зичэзыу ешIэгъухэр Iоныгъом и 9 – 10-м яIэщтых. Мы мафэхэм зэIукIэщтых: «Кощхьабл» - «Кавказ», «Нарт» - «Чэчэнай», «Адыгэкъал» - «Урожай», «Мыекъуапэ» - Сириус».