Мы спорт лъэпкъым­кIэ Урысыем изэнэ­къо­къухэр Московскэ хэкум щыкIуагъэх. ЩэрыопIэ комплексэу «Лисья нора» зыфиIорэм щыкIогъэ Iофтхьабзэм зыныбжь илъэс 17-м шIомыкIыгъэ пшъашъэхэм зыщаушэтыгъ.

Адыгэ Республикэм илIыкIохэу Мария Бушуевам, Анна Андращук ыкIи Арина Калнинам гъэхъэгъэ­шIухэр ашIыгъэх, командэхэм язэнэкъокъу ящэнэрэ чIыпIэр къыщыдахыгъ. Ахэр кIэрахъомкIэ щэрыуагъэх, зытырагъэфэн фаер метрэ 50-кIэ къапэчыжьагъ.

Тиапшъашъэхэр Московскэ, Свердловскэ, Белгородскэ хэку­хэм, Краснодар краим ыкIи Удмур­тием ялIыкIохэм апэ ишъы­гъэх. ЯтIонэрэ чIыпIэр Санкт-Петербург къыдихыгъ, текIоныгъэр Москва икомандэ фагъэшъошагъ.

Адыгеир къэзыгъэлъэгъогъэ пшъашъэхэм зэкIэми щэрыонымкIэ спорт еджапIэу С. Г. Алифиренкэм ыцIэ зыхьырэм зыщагъасэ.

Спортсменкэхэм, ахэм ятренерхэм тафэгушIо, тапэкIи гъэхъа­гъэхэр ашIынхэу, республикэм ыцIэ чыжьэу агъэIунэу афэтэIо.