Шапхъэхэр ашIэнхэм фэшI

Урамхэм, фэтэрыбэу зэхэт унэхэм ыкIи нэмыкI общественнэ чIыпIэхэм адэжь ащызекIорэ кIэлэцIыкIухэм амыгъэунэфыгъэ цIыфхэр ауж итхэу, къалъыплъэхэу мы аужырэ уахътэм социальнэ хъытыухэм къэбархэр къарэхьэх. Мыщ дэжьым шъолъыр зэфэшъхьафхэм ягугъу къашIы. АР-м хэгъэгу кIоцI IофхэмкIэ и Министерствэ ны-тыхэм агу къегъэкIыжьы ясабыйхэр урамым тетхэ зыхъукIэ зэрэзекIонхэ фэе шапхъэу щыIэхэр:

- цIыфхэр бэу зытетхэ ыкIи къэгъэнэфыгъэ урамхэр ары сабыим къыхихын фае гъогур; - ар гъэсэныгъэм иучреждение екIуалIэ зыхъукIэ гъусэхэр иIэнхэ фае; - ымышIэрэ цIыфхэр гущыIэгъу еремышIых, зи къаIерэмых; - фэтэрыбэу зэхэт унэм ичIэхьэгъум, лифтхэм адэжь ымышIэрэ цIыфхэм изакъоу къадыIунэ хъущтэп; - сабыим ахъщэ, уасэ зиIэ пкъыгъохэр зэриIыгъхэр къыгъэлъагъохэ хъущтэп.

ОшIэ-дэмышIагъэ къызыхъукIэ цIыфхэр зыдэщытхэ чIыпIэм кIэлэцIыкIур чъэн, куон, IэпыIэгъу зэрищыкIагъэр агуригъэIон фае. Мы ыпшъэкIэ зигугъу къэтшIыгъэ шапхъэхэр зыныбжь имыкъугъэхэм ашIэн зэрэфаер хэбзэухъумакIохэм джыри зэ шъугу къагъэкIыжьы. ГумэкIыгъо чIыпIэ шъуифагъэмэ полицием ителефон номерэу 02-м (мобильнэмкIэ – 102-м) псынкIэу шъутеу.

Сакъыныгъэ къызхэжъугъаф

МыцыхьэшIэгъу пкъыгъохэр зышъу-лъэгъухэкIэ шъузэрэзекIон фаер АР-м хэгъэгу кIоцI IофхэмкIэ и Министерствэ шъугу къегъэкIыжьы. ЦIыфыбэ зыщызэрэугъоирэ чIыпIэхэм, учреждениехэм, къатыбэу зэтет унэхэм ядэкIояпIэхэм, транспортым цыхьэ-шIэгъунчъэ пкъыгъохэр ащышъулъэгъунхэ ылъэкIыщт. Гу зылъышъутэгъэ пкъыгъор а чIыпIэм а уахътэм щымылъынэу щыт-мэ, шъунаIэ тешъумыдзэу къэшъумыгъан. Гъунэгъоу щытхэм ащыщ иемэ шъукIэупчI, арэущтэу къызычIэмыкIырэм полицием макъэ ежъугъэIу.

Транспортым ащ фэдэ пкъыгъо къыщыжъугъотыгъэмэ, исхэм яемэ шъукIэупчI, арэу щымытмэ, водителым макъэ ежъугъэIу.

Зыщышъумыгъэгъупш:

- къэжъугъотыгъэ пкъыгъор къызэкIоцIышъумых ыкIи шъумыгъэкощы; - пкъыгъор зиер, амал иIэмэ, зэжъугъашIэ; - зиер къэшъумыгъотыгъэмэ, полицием макъэ ежъугъэIу; - гъунэгъоу щыт цIыфхэм зэлъяжъугъашI мыцыхьэшIэгъу пкъыгъо зэрэщылъыр; - нахь чыжьэу IукIынхэу яшъуIу.

Джыри зэ шъугу къэтэгъэкIыжьы!!!

Ны-тыхэр! ШъуикIэлэцIыкIухэм ящыIэ-ныгъэкIэ, япсауныгъэкIэ шъоры пшъэдэ-кIыжь зыхьырэр. Ахэм агурыжъугъаIу сыд фэдэрэ пкъыгъоу урамым къыты-рагъуатэрэм щынагъо къыпыкIын зэрилъэкIыщтыр. Къэжъугъотырэ пкъы-гъохэм шъузэрэфаеу шъуадыземыкIу.

ХэбзэухъумакIохэм зызэрафэбгъэзэн плъэкIыщтыр

БзэджэшIагъэ е хъугъэ-шIагъэ горэ шъулъэгъугъэмэ, е шъо шъушъхьэкIэ хэбзэукъоныгъэ къыжъудызэрахьагъэмэ, Адыгэ Республикэм хэгъэгу кIоцI IофхэмкIэ и Министерствэ макъэ ежъугъэIунэу зыкъышъуфегъазэ. Ар шIыкIэ зэфэшъхьафхэмкIэ пшIын плъэкIыщт.

Тхьапэу яшъутырэм итынхэ фаехэр:

1. Хэгъэгу кIоцI IофхэмкIэ къулыкъоу е ащ Iоф щызышIэу зызыфэбгъазэрэм ыцI, IэнатIэу ыIыгъыр. 2. Зафэзыгъазэрэм ылъэкъуацI, ыцI, ятэ ыцI. 3. Джэуапыр зыдагъэхьыжьыщт адресыр. 4. Ежь ышъхьэкIэ зэрэкIэтхэжьыгъэр ыкIи мафэу зитхыгъэр. 5. ЦIыфым ытхыгъэр къэзыгъэшъыпкъэжьырэ документхэр.

БзэджэшIагъэ ыкIи административнэ хэбзэукъоныгъэ зэрахьагъэу шъущыгъуазэмэ полицием псынкIэу макъэ зэрежъугъэIущтым шъупылъ, телефон номерэу 02-м (102-м) шъутеу, хэбзэукъоныгъэм щыжъугъэгъуазэх.

Нахь игъэкIотыгъэ къэбар ижъугъотэщт АР-м хэгъэгу кIоцI IофхэмкIэ и Минис-терствэ иофициальнэ сайт илъэныкъоу «Для граждан» зыфиIорэм.

Шъон пытэхэр ащэнхэ фитыгъэхэп

Шъолъыр хэбзэгъэуцугъэм игъэцэкIэн къыдыхэлъытагъэу шIэныгъэм и Мафэ шъон пытэхэр республикэм щащагъэхэп. Шъугу къэтэгъэкIыжьы мы лъэныкъомкIэ шапхъэхэр зыукъохэрэм пшъэдэкIыжь зэрахьырэр. IэнатIэ зыIыгъ пащэхэм тазырэу атыралъхьащтыр сомэ мин 40-м нэсы, юридическэ лицэхэм – сомэ мин 300-м кIахьэ. Ащ дакIоу продукциеу ащэрэри аIахы.

Шъон пытэхэр хэбзэнчъэу зыщэхэрэм якъэбар шъущыгъуазэмэ, полицием иучастковэ уполномоченнэхэм зафэжъугъэзэн е телефон номерэу 02-м (102-м) шъутеон шъулъэкIыщт.

Iофтхьабзэм дырагъэштагъ

Урысые Iофтхьабзэу «Помоги пойти учиться» зыфиIорэм Адыгеим ихэбзэ-ухъумэкIо къулыкъухэм яIофышIэхэм ащыщхэм дырагъэштагъ.

ШIэныгъэм и Мафэ ипэгъокIэу полицейскэхэр сабыибэ зэрыс унагъохэм яхьэкIагъэх, кIэлэцIыкIухэр, ны-тыхэр илъэсыкIэ еджэгъум зэрэфэхьазырхэр зэрагъэлъэгъугъ.

Iофтхьабзэм хэлэжьагъэх АР-м хэгъэгу кIоцI IофхэмкIэ и Министерствэ икъулыкъушIэхэу Екатерина Шрам, Анастасия Колесниковар ыкIи Шъоджэ Азмэт.

Унагъохэр Iоныгъом и 1-м зэрэ-фэхьазырхэр, гумэкIыгъоу, щыкIагъэу яIэхэр зэрагъэшIагъэх, шIухьафтынхэр афашIыгъэх.

АР-м хэгъэгу кIоцI IофхэмкIэ и Министерствэ ипресс-къулыкъу.