Мэкъэтыныр зыщыкIощт мэфэ зыкIэу къэблагъэрэм пае къалэу Мыекъуапэрэ Мыекъопэ районымрэ ащагъэхьазырыгъэ участкэхэр зычIэт унэ­хэм машIо къащымыхъуным зэрэфытегъэпсыхьагъэ­хэр къэралыгъо инспекторхэм ауплъэкIу­гъэх.

МашIом зыкъыштагъэмэ, ар зэрагъэкIосэжьыщт пкъыгъохэр икъоу яIэхэмэ, ащ фэдэ ошIэ-дэмышIэ Iоф къэхъугъэмэ мы псэуалъэхэм ащылажьэхэрэм зэрэзекIощтхэр ашIэмэ, макъэ къэзыгъэIущт системэм изытет зэрагъэшIагъ, мы лъэныкъом- кIэ анаIэ зытырагъэтын фаехэр къафаIотагъ.

УплъэкIунхэм къагъэлъэгъуагъэм къыпкъырыкIхэзэ, хэдзыпIэ участкэ 78-у къызэIуахыгъэм зэкIэми Iоф ашIэнэу фитыныгъэ аратыгъ. УФ-м ошIэ-дэмышIэ IофхэмкIэ и Министерствэ АР-мкIэ и ГъэIорышIапIэ ипресс-къулыкъу къызэритыгъэмкIэ, хэдзынхэр зыщыкIощтхэ мафэм мэшIогъэкIосэ къулыкъум иIофышIэхэр участкэхэм ачIэтыщтых.

Шъугу къэдгъэкIыжьын, Iоныгъом и 8 — 10-м, мэкъэтыныр зыщыкIощт зыкI мафэм, къалэу Мые­къуапэрэ Мыекъопэ районымрэ народнэ депутатхэм яхэдзынхэр ащырекIокIыщтых.

Джащ фэдэу Урысыем исубъектыкIэхэм — Донецкэ ыкIи Луганскэ Народнэ республикэхэм, Запорожскэ ыкIи Херсонскэ хэкухэм — яхэбзэгъэуцу органхэм ядепутатхэм яхэдзынхэр щыIэщтых.

Мы шъолъы­риплIым къарыкIыгъэхэу Адыгеим щыпсэу­хэрэм амакъэхэр атынхэ амал яIэным фэшI хэдзыпIэ участкитIу, зыр Мыекъуапэ, Къэралыгъо филармонием, ятIонэрэр поселкэу Яблоновскэм культурэм и Унэу дэтым къащызэIуахыгъэх.