Телевизионнэ къэтынхэр зэрэзэрищэхэрэмкIэ Урысыем щызэлъашIэрэ Анна Шафран Адыгэ къэралыгъо университетым икIэлэегъаджэ хъугъэ.

«Медиакоммуникации» зыфиIорэ магистрэ программэу АКъУ-м мы илъэ-сыкIэ еджэгъум ытIупщырэм иака-демическэ пащэу Анна Шафран агъэ-нэфагъ. Медиакоммуникацием исферэ щылэжьэрэ федеральнэ экспертхэри мы программэмкIэ лекцие къеджэщтых.

Гъэсэныгъэ программакIэу атIупщырэр ыпэкIэ щыIагъэхэм атекIы, медиасферэм щылэжьэнхэу агъэхьазырхэрэм цIыфхэм апашъхьэкIэ япшъэдэкIыжь мэхьанэу иIэр, IэпэIэсэныгъэшхо ахэлъын зэрэфаер арагъэшIэщт.

«Непэрэ медиар информацие къодыем нахьыб. Ары пакIошъ, къэралыгъо поли-тикэр цIыф жъугъэхэм алъыгъэIэсыгъэным шъхьадэкIы, цIыфхэм язэхашIэ зыгъэпсэу ар щыт. Къэбарым щыIэныгъэр лъе-гъэкIуатэ, ау джащ фэдэ къабзэу ащ щыIэкIэ-псэукIэ хабзэу гъэнэфэгъахэхэри зэхигъэтэкъонхэ ылъэкIыщт. Гупшысэ пхэнджхэр зыгъэфедэхэрэм зэутэ-кIыныгъэхэр къакIэлъэкIох. Джащ пае тэ пшъэрылъ дгъэуцугъэ — акъылыгъэ екIолIакIэ медиа сферэм фэшIыгъэныр, обществэр къышъхьэпэщт гупшысэхэмкIэ ушъэгъэныр», — къыIуагъ Анна Шафран.

«Медиакоммуникации» зыфиIорэ магистрэ программэр «Приоритет 2030» зыфиIорэ программэм игъэцэкIэн къыдыхэлъытагъэу агъэпсыгъ. Мы лъэныкъомкIэ къэралыгъом щызэлъашIэрэ цIыфхэм яIэпэIэсэныгъэ агъэфедэзэ, студентхэм сэнэхьатым зыфагъэсэщт, ежьхэм ямедиапроектхэри агъэхьа-зырыщтых.

«Медиакоммуникацием» ипрограммэ нэIуасэ зыфэзышIы зышIоигъо аби-туриентхэм АКъУ-м ипчъэхэр шышъхьэ-Iуми 31-м, мафэм сыхьатыр 2-м къызэ-Iуихыщтых. Iофтхьабзэр онлайн шIыкIэм тетэу рагъэкIокIыщт.

ШъунаIэ тешъудз: Анна Шафран —зэлъашIэрэ урысые теле - ыкIи радио-къэтынхэм язещакIу, блогер, «RT на русском», «Наша версия», «Свободная пресса» зыфиIохэрэм яколумнист. Джы-рэ уахътэм медиахолдингэу «Звезда» зыфиIорэм аналитическэ радиопро-граммэхэмкIэ идирекцие ипащ, авторскэ программэхэу «Стратегия национальной безопасности» зыфиIорэр радиоу «Звез-дам» ыкIи «Главное с Анной Шафран» зыфиIорэр телеканалэу «Спасым» ащызэрещэх.

Адыгэ къэралыгъо университетым ипресс-къулыкъу