Урысыем и Почтэ икъутэмэ 12-у къоджэ псэупIэхэм мыгъэ ащагъэцэкIэжьыхэрэм «псауныгъэм икъуапэхэр» къащызэIуахыщтых.

[caption id="attachment_138458" align="aligncenter" width="800"] Сурэтыр: ЗэIухыгъэ къэбарлъыгъэIэс амалхэр.[/caption]

Ахэм цIыфым илъыдэкIуае, итем-пературэ ыкIи лъым кислородэу хэтыр зыфэдизыр къэзыгъэлъэгъорэ пкъыгъохэр ачIэлъыщтых. Къоджэдэсэу шIоигъоныгъэ зиIэр чIэхьанышъ, ахэр ыуплъэкIунхэ ылъэкIыщт.

Ащ фэдэ «къуапэхэр» блэкIыгъэ илъэ-сым агъэцэкIэжьыгъэ отделение 20-мэ апэрэу ащагъэпсыгъэх. ЦIыфхэм ахэр агъэфедэх. Мыгъэ агъэкIэжьырэ 12-ми ащ фэдэ амал яIэщт. Медицинэ пкъы-гъохэм ямызакъоу, цIыфым илъыдэкIуае, итемпературэ, кислородыр зыфэдизынхэ фаер, ахэр дэкIоягъэхэмэ е ехыгъэхэмэ, ащ иягъэу къэкIощтыр, узэрэзекIон фаер къэзыIотэрэ тхылъ цIыкIухэри ачIэлъыщтых.

Почтэм икъутамэхэм ягъэкIэжьын фытегъэпсыхьэгъэ программэм ипхы-рыщын Адыгеим щылъагъэкIуатэ.

ХЪУТ Нэфсэт.