Адыгеим и ЛIышъхьэ ишIухьафтын зэрылъ зэнэкъокъум къыдыхэлъытэгъэ ешIэгъухэр мы зыгъэпсэфыгъо мафэхэм щыIагъэх.

Я 7-рэ турым изэфэхьысыжьхэмкIэ, апэрэ чIыпIэм къэнагъ Красногвардейскэ районым икомандэу «Кавказ» зыфиIорэр. Шэуджэн районым икомандэу «Нартыр» Кощхьэблэ районым щешIэнэу щытыгъ, ау хьакIэхэр зэIукIэгъум къэкIолIагъэхэп, ащ къыхэкIыкIэ 3:0-у «Кощхьаблэм» текIоныгъэр фагъэшъошагъ. Зэнэкъокъум изэхэщакIохэр щыгъуазэхэу «Урожай» — «АГУ» зыцIэ командэхэр мы мафэм ешIагъэхэп. «Кавказыр» «Мыекъуапэ» текIуагъ, пчъагъэр — 6:0. Адыгэкъалэ икомандэ «Сириусым» 6:1-у къышIуихьыгъ. Теуцожь районым ифутболистхэр тэхъутэмыкъуаехэм атекIуагъэх.

Командэхэр зыдэщыт чIыпIэхэр ыкIи очко пчъагъэу рагъэкъугъэр: 1. «Кавказ» — 18. 2. «Кощхьабл» — 15. 3. «Чэчэнай» — 12. 4. «Урожай» — 9. 5. «Адыгэкъал» — 9. 6. «АГУ» — 9. 7. «Тэхъутэмыкъуай» — 6. 8. «Сириус» — 6. 9. «Мыекъуапэ» — 3. 10. «Нарт» — 3.